ఇలాంటి కార్యకర్తలు ప్రపంచంలో ఏ పార్టీకి ఉండరు: నాగబాబు

వినాయకచవితి సందర్భంగా మెగా బ్రదర్ నాగబాబు తన అభిమానులకు శుభాకాంక్షలు తెలియజేశారు. అంతేగాకుండా, ఇవాళ తన సోదరుడు పవన్ కల్యాణ్ పుట్టినరోజు కూడా కావడంతో విషెస్ తెలిపారు. ఈ సందర్భంగా మాట్లాడుతూ ఆసక్తికర వ్యాఖ్యలు చేశారు. జనసేన కార్యకర్తలు పార్టీ కోసం రూ.100 కోట్లు విరాళాలు సేకరించాలన్న నిర్ణయం తీసుకోవడం ఎంతో సంతోషం కలిగిస్తోందని, ఓ పార్టీకి ఇలాంటి అభిమానులు ఉండడం తనను నిజంగా విస్మయానికి గురిచేసిందని అన్నారు.

జనసేన కార్యకర్తలు రూ.100 కోట్ల విరాళాలు సేకరించడం కంటే ఆ నిర్ణయమే చాలా గొప్పదని నాగబాబు అభిప్రాయపడ్డారు. జనసేన పార్టీ ఎంతో బలంగా ఉందన్న విషయం కార్యకర్తల అభిమానం చూస్తే అర్థమవుతుందని తెలిపారు. డబ్బు, ఇతర ప్రలోభాలతో ఇలాంటి కార్యకర్తలు రారని, ప్రపంచంలో ఎక్కడా ఇలాంటి కార్యకర్తలు ఉండరని నాగబాబు కొనియాడారు.