బ్రహ్మ, వాల్మీకి, అల్లా, ఏసు... పేరేదైనా అంతా జగనే: ఏపీ మంత్రి జయరాం
- ఎస్సీ, ఎస్టీ, బీసీ, మైనారిటీలకు పెద్దపీట
- స్థానికులకే 75 శాతం ఉద్యోగాలు
- బిల్లుపై మాట్లాడుతూ జయరాం పొగడ్తలు
నామినేటెడ్ పదవులు, పోస్టుల్లో ఎస్సీ, ఎస్టీ, బీసీ, మైనారిటీలకు 50 శాతం రిజర్వేషన్ కల్పించిన జగన్, ఎస్సీలకు అంబేద్కర్ గా, ముస్లింలకు అల్లాగా, క్రిస్టియన్లకు జీసస్ గా కనిపిస్తున్నారని పొగడ్తల వర్షం కురిపించారు. చంద్రబాబుకు, జగన్ కు నక్కకూ, నాగలోకానికి ఉన్నంత తేడా ఉందని అన్నారు. గతంలో ప్రజలను, ప్రజా ప్రతినిధులను చంద్రబాబు వంచించారని, ఎమ్మెల్యేలను అడ్డగోలుగా కొనుగోలు చేసి, ఆపై వారిని మరచిపోయారని విమర్శలు గుప్పించారు. కాగా, మంత్రి జయరాం మాట్లాడుతుండగా, జగన్ తో పాటు వైసీపీ ఎమ్మెల్యేలు నవ్వులు చిందిస్తూ ఉండటం గమనార్హం. ఆ సమయంలో టీడీపీ సభ్యులు మాత్రం సభలో లేరు.
