మైదానంలో చిరుతల్లా కదులుతున్న న్యూజిలాండ్ ఆటగాళ్లు... 4 వికెట్లు కోల్పోయిన ఇంగ్లాండ్

వరల్డ్ కప్ టైటిల్ ను గెలవాలన్న కసితో ఉన్న న్యూజిలాండ్ ఆటగాళ్లు బౌలింగ్, ఫీల్డింగ్ అంశాల్లో సర్వశక్తులు ధారపోస్తున్నారు. 242 పరుగుల లక్ష్యఛేదన కోసం బరిలో దిగిన ఇంగ్లాండ్ ఆటగాళ్లకు ఎలాంటి అవకాశం ఇవ్వకుండా అద్భుతంగా నిలువరిస్తున్నారు. ఏ చిన్న అవకాశం దొరికినా వదిలిపెట్టకుండా ఇంగ్లాండ్ బ్యాట్స్ మెన్ ను పెవిలియన్ చేర్చుతున్నారు. ఇప్పటివరకు ఇంగ్లాండ్ 4 కీలకమైన వికెట్లు చేజార్చుకుంది. 25 ఓవర్లు ముగిసేసరికి ఆ జట్టు సాధించింది 93 పరుగులే. ఇంకా విజయానికి 25 ఓవర్లలో 149 పరుగులు చేయాలి. చేతిలో 6 వికెట్లు మాత్రమే ఉన్నాయి.