అవెంజర్సా... మజాకా?... టికెట్లకు ఫుల్ డిమాండ్!

ఆరు ఇన్ఫినిటీ స్టోన్స్ ను సొంతం చేసుకుని విశ్వాన్ని తన అధీనంలో ఉంచుకోవాలని థానోస్ చేసే ప్రయత్నాలను ప్రపంచ సూపర్ హీరోస్ తమ చివరి పోరులో ఎలా ఎదుర్కొంటారు? అన్న కథతో రూపొందిన చిత్రం 'అవెంజర్స్ : ఎండ్ గేమ్'. ప్రపంచ సినీ అభిమానులు ఇప్పుడు అత్యంత ఆసక్తితో ఎదురు చూస్తున్న చిత్రమిదే. మార్వెల్ కామిక్స్ క్యారెక్టర్ల ఆధారంగా రూపుదిద్దుకున్న 'అవెంజర్స్ : ఎండ్ గేమ్' ఈ శుక్రవారం విడుదలకు సిద్ధమైంది.

ఐరన్ మ్యాన్, కెప్టెన్ అమెరికా, హల్క్, థార్, బ్లాక్ విడో, వార్ మెషీన్, కెప్టెన్ మార్వెల్ తదితరులు థానోస్ ను ఎలా ఎదుర్కొంటారో చూసేందుకు చిన్నారులతో పాటు పెద్దలు సైతం ఆసక్తిని చూపుతుండటంతో ఈ సినిమా అడ్వాన్స్ బుకింగ్స్ ఫుల్ స్వింగ్ లో నడుస్తున్నాయి. ఇప్పటికే విడుదలైన అన్ని థియేటర్లలో వారాంతం వరకూ టికెట్ల బుకింగ్ అయిపోయినట్టు తెలుస్తోంది. ఇక నిన్న 'అవెంజర్స్ : ఎండ్ గేమ్' అడ్వాన్స్ టికెట్ల బుకింగ్ ప్రారంభం కాగా, హైదరాబాద్ లోని ఐమాక్స్ థియేటర్ వద్ద టికెట్ల కోసం క్యూ సుమారు కిలోమీటర్ దూరం సాగడం గమనార్హం. ఈ వేసవిలో తమ పిల్లలకు సినిమాను చూపించేందుకు తల్లిదండ్రులు క్యూలో నిలబడటం గమనార్హం.