లోటస్ పాండ్ లో బాపట్ల వైకాపా కార్యకర్తల నిరసన!

హైదరాబాద్ లోని బంజారాహిల్స్ లోటస్ పాండ్ లో ఉన్న తన నివాసంలో అభ్యర్థుల వడపోతపై జగన్ తలమునకలై ఉన్నవేళ, ఆ పార్టీ కార్యకర్తలు నిరసనలకు దిగారు. ఆశావహుల వెంట వచ్చిన కార్యకర్తలు 'రావాలి జగన్ - పోవాలి కోన రఘుపతి' అంటూ భారీ ఎత్తున నినాదాలు చేస్తుండటంతో ఏం జరుగుతుందోనన్న విషయమై కాసేపు అయోమయం నెలకొంది.

 బాపట్ల టికెట్ ను ఆశిస్తున్న చీరాల గోవర్ధన్ రెడ్డి, తన అనుచరులతో కలిసి జగన్ తో టికెట్ విషయమై మాట్లాడేందుకు వచ్చారు. ఈ నేపథ్యంలో బాపట్ల స్థానాన్ని కోన రఘుపతికి ఇచ్చినట్టుగా సమాచారం ఆయనకు అందింది. దీంతో ఆగ్రహానికి గురైన గోవర్ధన్ రెడ్డి అనుచరులు నినాదాలు చేస్తూ నిరసనకు దిగారు. వారిని అదుపు చేసేందుకు అక్కడ ఉన్న సెక్యూరిటీ సిబ్బంది ఇబ్బంది పడాల్సి వచ్చింది.