టీడీపీకి, ఎంపీ పదవికి రాజీనామా చేసి.. వైఎస్ జగన్ తో భేటీ అయిన అవంతి శ్రీనివాస్!
- లోటస్ పాండ్ లో జగన్ నివాసానికి వెళ్లిన టీడీపీ నేత
- టీడీపీకి రాజీనామా చేసిన అవంతి
- అవంతికి కండువా కప్పి వైసీపీలోకి ఆహ్వానించిన జగన్
టీడీపీ నేత అవంతి శ్రీనివాస్ కొద్ది సేపటి క్రితం వైసీపీ అధినేత జగన్ ని కలిశారు. హైదరాబాద్ లోని లోటస్ పాండ్ లో ఉన్న జగన్ నివాసానికి ఆయన వెళ్లారు. ఈ సందర్భంగా అవంతిని జగన్ ఆహ్వానించారు. అవంతికి పార్టీ కండువా కప్పిన జగన్, ఆయన్ని సాదరంగా వైసీపీలోకి ఆహ్వానించారు. కాగా, దీనికి ముందుగా టీడీపీకి అవంతి శ్రీనివాస్ రాజీనామా చేశారు. అవంతి తన రాజీనామా లేఖను టీడీపీ అధినేత చంద్రబాబుకు పంపినట్టు సమాచారం.
