'పడిపడి లేచె మనసు' నుంచి ఆకట్టుకుంటోన్న సాంగ్

హను రాఘవపూడి దర్శకత్వంలో శర్వానంద్ .. సాయిపల్లవి జంటగా 'పడి పడి లేచె మనసు' సినిమా రూపొందింది. రొమాంటిక్ లవ్ స్టోరీగా నిర్మితమైన ఈ సినిమాను ఈ నెల 21వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి ఒక లిరికల్ వీడియో సాంగ్ ను రిలీజ్ చేశారు.

"నువు నడిచే ఈ నేలపైనే .. నడిచానా ఇన్నాళ్లుగానే .. ఈ క్షణమే ఆపాలనున్నది భూభ్రమణమే. ఈ చెలిమి వద్దంటూ గతమే .. బందీగా చేసింది నన్నే .. తక్షణమే చేయాలనున్నది తనతో యుద్ధమే" అంటూ ఈ పాట కొనసాగుతోంది. సంగీత సాహిత్యాలు బాగున్నాయి. శర్వానంద్ .. సాయిపల్లవిపై సాగే ఈ పాట యూత్ కు బాగా కనెక్ట్ అవుతుందని అనిపిస్తోంది. 'మిడిల్ క్లాస్ అబ్బాయి' హిట్ తరువాత సాయిపల్లవి .. 'మహానుభావుడు' హిట్ తరువాత శర్వానంద్ చేసిన సినిమా ఇది. అందువలన సహజంగానే మంచి అంచనాలు వున్నాయి. ఆ అంచనాలను ఈ సినిమా అందుకుంటుందేమో చూడాలి.