తెలుగు లోగిళ్లలో ఆనందమయ కాంతులు వెదజల్లాలి: చంద్రబాబు

దీపావళి పండుగ సందర్భంగా ప్రపంచవ్యాప్తంగా ఉన్న తెలుగువారందరికీ ఏపీ ముఖ్యమంత్రి చంద్రబాబు శుభాకాంక్షలు తెలిపారు. తెలుగు లోగిళ్లలో ఆనందమయ కాంతులు వెదజల్లాలని ఈ సందర్భంగా ఆయన ఆకాంక్షించారు. కార్తీక దీపకాంతులకు దీపావళి నాంది పలుకుతుందని... ఈ పండుగను తెలుగువారంతా సంబరంగా స్వాగతించాలని చెప్పారు. తెలుగువారందరికీ శాంతి, సౌభాగ్యం, సర్వ సుఖాలను భగవంతుడు ప్రసాదించాలని ప్రార్థిస్తున్నానని తెలిపారు. మనిషిలో ఉన్న రాక్షసత్వం పోవాలని, మానవత్వం పరిఢవిల్లాలని ఆకాంక్షించారు. ప్రజల కళ్లలో వెలుగులు చూడటమే తన కోరికని చెప్పారు.