బాలీవుడ్ పాటకు మహిళా టీచర్ల కుప్పిగంతులు.. ఇంటర్నెట్ లో వీడియో వైరల్!

ఉపాధ్యాయులంటే హూందాగా ఉండాలి. కానీ పశ్చిమబెంగాల్ లోని కొందరు మహిళా టీచర్లు మాత్రం దీనికి నీళ్లొదిలారు. బాలీవుడ్ నటుడు రణ్ బీర్ కపూర్ నటించిన ‘యే జవానీ హై దివానీ’లో ఓ పాటకు కుప్పిగంతులు వేస్తూ ఎంజాయ్ చేశారు. స్కూల్ లో కొందరు పిల్లలు కింద డ్యాన్స్ చేస్తుంటే.. ఈ టీచర్లు కొంచెం ఎత్తుగా ఉన్న ప్రాంతంపై  ఇష్టానుసారం గంతులేశారు. పశ్చిమబెంగాల్ లోని అలీపూర్దువార్ లో ఉన్న ఓ పాఠశాలలో ఈ ఘటన జరిగినట్లు తెలుస్తోంది.

కొందరు విద్యార్థులు ఈ తతంగాన్ని వీడియో తీసి సోషల్ మీడియాలో పోస్ట్ చేయడంతో ఇది వైరల్ గా మారింది. కాగా, మహిళా టీచర్ల డ్యాన్స్ పై మిశ్రమ స్పందన వస్తోంది. దీన్ని కొందరు సమర్ధిస్తుండగా.. చిన్నపిల్లల ముందు ఈ కుప్పిగంతులు ఏంటని మరికొందరు మండిపడుతున్నారు.