ఓయూలో రాహుల్ సభకు ఎందుకు అనుమతివ్వలేదో చెప్పాలి?: జానారెడ్డి

ఈ నెల 13, 14 తేదీల్లో కాంగ్రెస్ పార్టీ అధ్యక్షుడు రాహుల్ గాంధీ తెలంగాణలో పర్యటించనున్న విషయం తెలిసిందే. ఈ సందర్భంగా ఉస్మానియా యూనివర్శిటీ (ఓయూ)లో రాహుల్ గాంధీ సభ ఏర్పాటు చేయాలని కాంగ్రెస్ నేతలు భావించారు. అయితే, అందుకు అనుమతి లభించకపోవడంపై టీ-కాంగ్రెస్ పార్టీ సీనియర్ నేత జానారెడ్డి మండిపడ్డారు. ఓయూలో రాహుల్ సభకు ఎందుకు అనుమతివ్వలేదో చెప్పాలని ఆయన డిమాండ్ చేశారు. తెలంగాణ రాష్ట్రం ఇచ్చింది సోనియాగాంధీనే అన్న విషయాన్ని టీఆర్ఎస్ ప్రభుత్వం మర్చిపోకూడదని, టీఆర్ఎస్ ప్రభుత్వం అనైతిక చర్యలకు పాల్పడుతోందని విమర్శించారు.