నకిలీ పాస్పోర్ట్తో హైదరాబాద్లో పట్టుబడ్డ పాకిస్థానీ
- భారత్లోకి 12 మంది జైషే మహమ్మద్ ఉగ్రవాదులు
- హైదరాబాద్లో తలదాచుకుంటోన్న ఓ పాకిస్థానీ
- పూర్తి వివరాలు త్వరలో చెబుతామన్న పోలీసులు
పాకిస్థాన్ సరిహద్దు దాటి 12 మంది జైషే మహమ్మద్ ఉగ్రవాదులు దేశంలోకి చొరబడ్డారని నిఘా వర్గాలు హెచ్చరించడంతో దేశ వ్యాప్తంగా భద్రతా బలగాలు అప్రమత్తమైన విషయం తెలిసిందే. ఈ సమయంలో హైదరాబాద్లో ఓ పాకిస్థానీ పట్టుబడ్డాడు. అతడు నకిలీ ధ్రువపత్రాలతో పాస్పోర్టు పొంది, హైదరాబాద్లో తలదాచుకుంటున్నట్లు తెలిసింది. అతడి పేరు మహమ్మద్ ఉస్మాన్ ఇక్రాన్ అని పోలీసులు గుర్తించారు. ఈ విషయంపై సమగ్రంగా దర్యాప్తు జరుపుతున్నామన్న పోలీసులు, పూర్తి వివరాలను త్వరలో వెల్లడిస్తామని పేర్కొన్నారు. దేశంలో ఉగ్రవాదులు ప్రవేశించారన్న హెచ్చరికలతో ఇప్పటికే పలు ప్రాంతాల్లో హై అలర్ట్ ప్రకటించారు.
