ముస్లిం యువకుడిని చితక్కొట్టడానికి దూసుకొచ్చిన హిందూ కుర్రాళ్లు.. కాపాడిన పోలీస్‌ ఆఫీసర్!

ఉత్తరాఖండ్‌లోని రామ్‌నగర్‌ ప్రాంతంలో ఓ ముస్లిం యువకుడిని కొందరు హిందూ యువకులు చితక్కొట్టడానికి రాగా ఓ పోలీసు ఆఫీసర్ అతడిని కాపాడిన వీడియో వైరల్‌ అవుతోంది. సదరు పోలీసుని 'హీరో.. రియల్ పోలీస్‌' అంటూ నెటిజన్లు ప్రశంసల వర్షం కురిపిస్తున్నారు.

పూర్తి వివరాల్లోకి వెళితే, హిందూ యువతిని ముస్లిం యువకుడు ప్రేమిస్తున్నాడంటూ రామ్‌పూర్‌ గ్రామంలోని ఓ దేవాలయం సమీపంలో అతడిని అడ్డుకుని దాడి చేయడానికి కొందరు హిందూ యువకులు ప్రయత్నించారు. ఈ ఘటనపై సమాచారం అందుకున్న పోలీస్‌ ఆఫీసర్‌ గంగాదీప్‌ సింగ్‌ వెంటనే అక్కడకు వచ్చి ఆ ముస్లిం యువకుడిని కాపాడాడు. సదరు యువకుడికి దెబ్బలు తగలకుండా తను అడ్డంగా వున్నాడు.