బాలికపై యువకుడి అత్యాచారయత్నం.. పాత గుంటూరులో ఉద్రిక్తత!
- నిందిత యువకుడిని అదుపులోకి తీసుకున్న పోలీసులు
- నిందితుడిని అప్పగించాలంటూ బాలిక బంధువుల ఆందోళన
- పోలీస్ స్టేషన్ పై రాళ్లదాడి
స్థానిక పాత గుంటూరు పోలీస్ స్టేషన్ పరిధిలో ఓ బాలికపై యువకుడు అత్యాచారానికి యత్నించాడు. ఈ సమాచారం తెలుసుకున్న పోలీసులు నిందిత యువకుడిని అదుపులోకి తీసుకున్నారు. అయితే, నిందితుడిని తమకు అప్పగించాలంటూ బాలిక తల్లిదండ్రులు, బంధువులు పోలీస్ స్టేషన్ ఎదుట ఆందోళనకు దిగారు.
ఈ విషయమై పోలీసులు ఎంతకీ స్పందించకపోవడంతో పోలీస్ స్టేషన్ పై వారు రాళ్ల దాడికి పాల్పడ్డారు. ఈ సంఘటనలో పోలీస్ స్టేషన్ అద్దాలు ధ్వంసమయ్యాయి. ఉద్రిక్త పరిస్థితులకు దారి తీసే ప్రమాదం ఉండటంతో ఆందోళనకారులపై పోలీసులు లాఠీఛార్జి చేశారు. ఈ సంఘటనపై గుంటూరు అర్బన్ ఎస్పీ విజయరావు ఆరా తీస్తున్నారు. బాధితురాలి తల్లిదండ్రులు, బంధువులతో ఆయన మాట్లాడుతున్నట్టు తెలుస్తోంది. ఎటువంటి ఉద్రిక్త పరిస్థితులు తలెత్తకుండా ఉండేందుకు గుంటూరు నగరంలో 144 సెక్షన్ విధించినట్టు సమాచారం.
ఈ విషయమై పోలీసులు ఎంతకీ స్పందించకపోవడంతో పోలీస్ స్టేషన్ పై వారు రాళ్ల దాడికి పాల్పడ్డారు. ఈ సంఘటనలో పోలీస్ స్టేషన్ అద్దాలు ధ్వంసమయ్యాయి. ఉద్రిక్త పరిస్థితులకు దారి తీసే ప్రమాదం ఉండటంతో ఆందోళనకారులపై పోలీసులు లాఠీఛార్జి చేశారు. ఈ సంఘటనపై గుంటూరు అర్బన్ ఎస్పీ విజయరావు ఆరా తీస్తున్నారు. బాధితురాలి తల్లిదండ్రులు, బంధువులతో ఆయన మాట్లాడుతున్నట్టు తెలుస్తోంది. ఎటువంటి ఉద్రిక్త పరిస్థితులు తలెత్తకుండా ఉండేందుకు గుంటూరు నగరంలో 144 సెక్షన్ విధించినట్టు సమాచారం.
