సుప్రీంకోర్టులో రోస్టర్ తయారీ విధానం, కేసుల కేటాయింపు తీరుపై అభ్యంతరాలు వ్యక్తం చేస్తూ దేశ చరిత్రలోనే మొదటి సారిగా కొన్ని నెలల ముందు మీడియా ముందుకు వచ్చిన నలుగురు న్యాయమూర్తుల్లో జస్టిస్‌ జాస్తి చలమేశ్వర్‌ కూడా ఉన్న విషయం తెలిసిందే. ఆయన ఈ ఏడాది జూన్‌ 22న రిటైర్ కానున్నారు.

న్యాయమూర్తుల పదవీ విరమణ సమయంలో సుప్రీంకోర్టు బార్‌ అసోసియేషన్‌ ఫేర్‌వెల్‌ పార్టీ ఇవ్వడం ఆనవాయతిగా వస్తోంది. ఈ నేపథ్యంలో బార్‌ అసోసియేషన్‌ నుంచి ఆహ్వానం అందగా జస్టిస్‌ చలమేశ్వర్‌ దాన్ని తిరస్కరించారు. అటార్నీ జనరల్‌ విజ్ఞప్తి చేసినప్పటికీ తనకు ఆసక్తిలేదని తెలిపారు.