సినీ నటి శ్రీరెడ్డికి జరిగిన అవమానం గురించి తెలంగాణ ప్రభుత్వం ప్రకటన చేయాలి: మహిళా హక్కుల కార్యకర్తల డిమాండ్

తెలుగు చిత్ర పరిశ్రమలో మహిళలపై జరుగుతున్న లైంగిక వేధింపులు, వారు ఎదుర్కొంటున్న వివిధ అంశాలపై డిసెంబరు 2012 లో వేసిన వర్మ కమిషన్ మాదిరిగా తెలంగాణ ప్రభుత్వం ఒక కమిటీని ఏర్పాటు చేయాలని ఈ రోజు వివిధ మహిళా హక్కుల కార్యకర్తలు తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్ ని కలిసి విజ్ఞప్తి చేశారు.

మహిళలపై జరుగుతున్న లైంగిక వేధింపుల ఫిర్యాదు కోసం ప్రత్యేకంగా హెల్ప్ లైన్ లు ఏర్పాటు చేయాలని ఈ సందర్భంగా వారు ప్రభుత్వాన్ని కోరారు. అలాగే శ్రీరెడ్డికి జరిగిన అవమానం గురించి కూడా రాష్ట్ర ప్రభుత్వం ఒక ప్రకటన చేయాలని ఈ సందర్భంగా ప్రభుత్వాన్ని డిమాండ్ చేశారు. కాగా, మహిళా హక్కుల కార్యకర్తలు మంత్రికి ఫిర్యాదు చేసిన దృశ్యాలకు సంబంధించిన ఫొటోలను సినీ నటి మాధవి తన ఫేస్ బుక్ ఖాతాలో షేర్ చేసింది.