జూబ్లీ హిల్స్ లో ఇంటి నిర్మాణం కోసం జిలెటిన్ స్టిక్స్ వాడుతుండగా.. భారీ పేలుడు!

హైదరాబాద్ జూబ్లీహిల్స్ లో భారీ పేలుడు సంభవించింది. రోడ్డు నెంబర్ 48లో ఓ పారిశ్రామికవేత్త ఇంటి నిర్మాణం కోసం జిలెటిన్ స్టిక్స్ తో పేలుళ్లకు పాల్పడ్డారు. ఈ పేలుళ్లకు పాత భవనం ఒక్కసారిగా కుప్పకూలింది. ఈ సందర్భంగా భారీ శబ్దం రావడంతో, చుట్టుపక్కలవారు భయంతో పరుగులు తీశారు. ఏం జరిగిందో తెలియక, తీవ్ర భయాందోళనలకు గురయ్యారు. సమాచారం అందుకున్న పోలీసులు అక్కడకు చేరుకుని, పరిస్థితిని సమీక్షిస్తున్నారు. బాంబ్ స్క్వాడ్ కూడా తనిఖీలను నిర్వహిస్తోంది. మరిన్ని వివరాలు తెలియాల్సి ఉంది.