మహేశ్ కోసం అనుకున్న టైటిల్ తో విశాల్ మూవీ!

మహేశ్ బాబు .. మురుగదాస్ కాంబినేషన్లో 'స్పైడర్' సినిమా వచ్చిన సంగతి తెలిసిందే. ఈ టైటిల్ కి ముందు పరిశీలించిన పేర్లలో 'అభిమన్యుడు' ఒకటి. కొన్ని కారణాల వలన ఈ సినిమా టీమ్ ఈ టైటిల్ ను పక్కన పెట్టేసింది. ఇప్పుడు ఆ టైటిల్ తో తెలుగులోకి విశాల్ మూవీ రానున్నట్టు సమాచారం. ప్రస్తుతం విశాల్ తమిళంలో 'ఇరుంబు తిరాయ్' అనే సినిమా చేస్తున్నాడు.

 విశాల్ సొంత బ్యానర్లో రూపొందుతోన్న ఈ సినిమా, తమిళంతో పాటు తెలుగులోను సంక్రాంతికి విడుదల కానుంది. తమిళంలో 'ఇరుంబు తిరాయ్' అంటే 'ఇనుప తెర' అని అర్థం. తాజాగా తెలుగులో ఈ సినిమాకి 'అభిమన్యుడు' అనే టైటిల్ ను ఖరారు చేసుకున్నట్టు తెలుస్తోంది. పి.ఎస్.మిత్రన్ దర్శకత్వం వహిస్తోన్న ఈ సినిమాలో కథానాయికగా సమంత నటిస్తుండగా, యాక్షన్ కింగ్ అర్జున్ ఒక కీలకమైన పాత్రను పోషిస్తున్నాడు. తెలుగులో రీసెంట్ గా వచ్చిన విశాల్ 'డిటెక్టివ్'కి ఆశించిన స్థాయిలో ఆదరణ లభించలేదు. ఇక ఈ సినిమా అయినా తెలుగులో ఆయనకి హిట్ ఇస్తుందేమో చూడాలి.