ఉత్తర కొరియా భూభాగంపై బాంబులను జారవిడిచిన అమెరికా, దక్షిణ కొరియా

తమపై అమెరికా, దక్షిణ కొరియాలు కయ్యానికి కాలు దువ్వుతున్నాయని ఉత్తర కొరియా మండిపడింది. నిన్న నిర్వహించిన మాక్ డ్రిల్ సందర్భంగా అమెరికా తమ భూభాగంలోని కొన్ని ప్రదేశాల్లో బీ-1బీ బాంబులను జారవిడిచిందని ఆగ్రహం వ్యక్తం చేసింది. గువాంలోని అండర్సన్ ఎయిర్ బేస్ నుంచి వచ్చిన అమెరికా, దక్షిణ కొరియా యుద్ధ విమానాలు తమపై మాక్ డ్రిల్ నిర్వహించాయని... తద్వారా తమకు హెచ్చరికలు పంపాలని చూశాయని మండిపడింది.

ఈ మేరకు స్థానిక మీడియా కేసీఎన్ఏ ఈరోజు కథనాలను ప్రసారం చేసింది. అయితే యుద్ధం కోసం తమ బలగాలను మోహరించినట్టు కానీ, యుద్ధ విమానాలతో దాడులకు సిద్ధమైనట్టు కానీ అమెరికా, దక్షిణ కొరియాల నుంచి ఎలాంటి అధికారిక ప్రకటన వెలువడలేదని తెలిపింది.