సిలిండర్ పేలడంతో ఇద్దరు సాఫ్ట్ వేర్ ఇంజినీర్ల మృతి!

బెంగళూరులోని బనశంకరిలో విషాదకర ఘటన చోటు చేసుకుంది. కాడుగోడి పోలీస్ స్టేషన్ పరిధిలోని వీరస్వామిరెడ్డి లేఔట్ లో నివాసం ఉంటున్న హరేంద్ర (34), నరేంద్ర (27) ఇద్దరూ అన్నదమ్ములు. వీరిద్దరూ ఓ ప్రముఖ ఐటీ కంపెనీలో సాఫ్ట్ వేర్ ఇంజినీర్లుగా పని చేస్తున్నారు. మూడు రోజుల క్రితం వీరి ఇంటిలో సిలిండర్ పేలింది. ఈ ఘటనలో అన్నదమ్ములిద్దరితో పాటు నరేంద్ర భార్య శిల్ప, అతని కుమార్తె ఆర్యలు తీవ్రంగా గాయపడ్డారు.

అప్పటి నుంచి నగరంలోని ఓ ప్రైవేట్ ఆసుపత్రిలో వీరు చికిత్స పొందుతున్నారు. నిన్న మధ్యాహ్నం అన్నదమ్ములిద్దరూ మృతి చెందారు. శిల్ప చావుబతుకుల మధ్య కొట్టుమిట్టాడుతోంది. ఆర్యను మెరుగైన చికిత్స కోసం ఢిల్లీకి తరలించారు. ఘటనపై కేసు నమోదు చేసిన పోలీసులు, దర్యాప్తు చేస్తున్నారు.