నా కూతురు ఎప్పటికైనా అమెరికా అధ్యక్షురాలు అవుతుంది: ట్రంప్ మాజీ భార్య

తన కుమార్తె ఇవాంకా ట్రంప్ ఎప్పటికైనా అమెరికా అధ్యక్షురాలు అవుతుందని యూఎస్ ప్రెసిడెంట్ డొనాల్డ్ ట్రంప్ మాజీ భార్య ఇవానా ట్రంప్ అన్నారు. ఇటీవలి కాలంలో ఆమె వార్తల్లో వ్యక్తిగా నిలుస్తున్నారు. ట్రంప్ కు మొదటి భార్యను తానేనని... అందువల్ల అమెరికా ప్రథమ మహిళను కూడా తానేనని ఇటీవల ఆమె వ్యాఖ్యానించారు. ట్రంప్ తో విడాకులు తీసుకున్నప్పటికీ... ఇప్పటికీ ఆయనతో రెగ్యులర్ గా మాట్లాడుతూనే ఉన్నానని చెప్పారు.

1977లో పెళ్లి చేసుకున్న డొనాల్డ్ ట్రంప్, ఇవానాలు 1992లో విడాకులు తీసుకున్నారు. వీరికి డొనాల్డ్ ట్రంప్ జూనియర్, ఇవాంకా ట్రంప్, ఎరిక్ లు జన్మించారు. మార్లా మేపుల్స్ తో ట్రంప్ కు సన్నిహిత సంబంధాలు ఉన్నందుకే తాను విడాకులు తీసుకున్నానని... తామిద్దరం దూరంగా ఉన్నప్పటికీ, తమ మధ్య బంధం మాత్రం అలాగే ఉందని ఇవానా ఇటీవల వెల్లడించారు.