‘బిగ్ బాస్’ సీజన్-1 విజేత శివబాలాజీ!

‘బిగ్ బాస్’ సీజన్ -1 విజేతగా నటుడు శివబాలాజీ నిలిచాడు. ‘బిగ్ బాస్’ సీజన్ -1 ఈ రోజుతో ముగిసింది. ఈ సందర్భంగా ‘బిగ్ బాస్’ ఫైనల్ ను చాలా గ్రాండ్ గా నిర్వహించారు. ఈ సందర్భంగా ‘బిగ్ బాస్’ సీజన్ -1 విజేతను ఈ షో వ్యాఖ్యాత జూనియర్ ఎన్టీఆర్ ప్రకటించారు. ‘బిగ్ బాస్’ ఫైనల్ లో శివబాలాజీ, ఆదర్శ్ నిలిచారు. ఎట్టకేలకు, ‘బిగ్ బాస్’ విజేతగా శివబాలాజీ నిలిచాడు.

ఈ సందర్భంగా ‘బిగ్ బాస్’ ట్రోఫీని, మనీ ప్రైజ్ ని జూనియర్ ఎన్టీఆర్ ఆయనకు అందజేశాడు. ఈ సందర్భంగా శివబాలాజీని తోటి ఆర్టిస్టులు ప్రశంసించారు. కాగా, ఈ వేడుకకు బిగ్ బాస్ నుంచి ఎలిమినేట్ అయిన ఆర్టిస్ట్ లు అందరూ హాజరయ్యారు. ఎలిమినేట్ అయిన ఆర్టిస్ట్ లకు పలు కేటగిరిల్లో అవార్డులను జూనియర్ ఎన్టీఆర్ ప్రకటించగా, ఆయా అవార్డులను సంబంధిత ఆర్టిస్ట్ లు అందుకున్నారు.