గ్యాంగ్ స్టర్ పాత్రలో వెంకటేశ్ కి బదులుగా నాగార్జున?

తమిళనాట ఈ మధ్య కాలంలో భారీ విజయాన్ని అందుకున్న చిత్రాలలో 'విక్రమ్ వేదా' ఒకటిగా కనిపిస్తుంది. మాధవన్ .. విజయ్ సేతుపతి కథానాయకులుగా నటించిన ఈ సినిమాకి పుష్కర్ గాయత్రి దర్శకత్వం వహించారు. ఈ సినిమాలో మాధవన్ ఎన్ కౌంటర్ స్పెషలిస్ట్ గా నటించగా, విజయ్ సేతుపతి గ్యాంగ్ స్టర్ గా మెప్పించాడు.

ఈ సినిమాను తెలుగులో రీమేక్ చేయడానికి నిర్మాత శశికాంత్ ప్రయత్నిస్తున్నారు. మాధవన్ పాత్రలో రానా .. విజయ్ సేతుపతి పాత్రలో వెంకటేశ్ నటించే ఛాన్స్ ఉందనే వార్తలు వచ్చాయి. అయితే ఈ ప్రాజెక్టు పట్ల వెంకటేశ్ పెద్దగా ఆసక్తిని చూపించలేదట. దాంతో ఆ పాత్ర తీరు తెన్నుల గురించి నాగార్జునకి వివరించారట. మొదటి నుంచి కూడా ప్రయోగాత్మక పాత్రల పట్ల ఆసక్తిని చూపిస్తూ వస్తోన్న నాగార్జున, విజయ్ సేతుపతి పాత్రను చేయడానికి గ్రీన్ సిగ్నల్ ఇచ్చినట్టుగా చెప్పుకుంటున్నారు. ఇందులో వాస్తవమెంతన్నది చూడాలి మరి.