చిరూ మూవీ టైటిల్ తో సాయిధరమ్ తేజ్!

దూకుడు చూపిస్తోన్న తెలుగు యువ కథానాయకులలో సాయిధరమ్ తేజ్ కూడా ముందువరుసలోనే కనిపిస్తున్నాడు. ప్రస్తుతం ఆయన బీవీఎస్ రవి దర్శకత్వంలో 'జవాన్' సినిమా చేస్తున్నాడు. ఈ సినిమాలో ఆయన రోల్ చాలా డిఫరెంట్ గా ఉంటుందని అంటున్నారు. ఈ సినిమా తరువాత ఆయన వినాయక్ .. కరుణాకరన్ ల ప్రాజెక్టులు చేయనున్నాడు.

 ఆ తరువాత సినిమాను కూడా సాయిధరమ్ తేజ్ ప్లాన్ చేసుకోవడం విశేషం. ఈ సినిమాకి మారుతి దర్శకుడిగా వ్యవహరించనున్నట్టు తెలుస్తోంది. గతంలో చిరూకి హిట్ ఇచ్చిన  'మహానగరంలో మాయగాడు' టైటిల్ నే, ఈ సినిమాకి ఫిక్స్ చేయాలనే ఆలోచనలో ఉన్నట్టు సమాచారం. చిరూ రీమిక్స్ సాంగ్స్ తో మాస్ ఆడియన్స్ మనసు దోచేసిన సాయిధరమ్ తేజ్ .. ఆయన టైటిల్ తో వస్తుండటాన్ని ప్రేక్షకులు ప్రత్యేకంగానే భావించే అవకాశం వుంది.