గుడివాడ వైకాపా కార్యాలయం వివాదంలో కొడాలి నాని అరెస్ట్

కృష్ణా జిల్లా గుడివాడలోని వైకాపా కార్యాలయానికి, భవన యజమాని తాళం వేసిన ఘటనలో అనుమతి లేకుండా నిరసన తెలుపుతున్న ఎమ్మెల్యే కొడాలి నానిని పోలీసులు ఈ ఉదయం అదుపులోకి తీసుకున్నారు. ఈ భవనానికి అద్దె చెల్లించడం లేదని యజమాని శశికళ తాళం వేయగా, పెద్దఎత్తున చేరుకున్న వైకాపా శ్రేణులు ఆందోళనకు దిగాయి. ఈ నేపథ్యంలోనే అక్కడకు చేరుకున్న నాని అటు శశికళతో, ఇటు పోలీసులతో వాగ్వాదానికి దిగారు. తాము శశికళ ఫిర్యాదుతోనే బందోబస్తు చేస్తున్నామని పోలీసులు స్పష్టం చేయడంతో, నాని రోడ్డుపై నిరసనకు దిగారు. దీంతో ఆయన్ను అరెస్ట్ చేసిన పోలీసులు స్టేషనుకు తరలించారు.