చైనాలోని రెస్టారెంట్ లో పేలుడు... 17 మంది దుర్మరణం
చైనాలోని ఓ రెస్టారెంట్ లో ఈ ఉదయం భారీ పేలుడు సంభవించింది. ఈ ఘటనలో 17 మంది దుర్మరణం పాలయ్యారు. అన్ హుయ్ ప్రావిన్స్ లోని వుహు నగరంలో ఈ ఘటన చోటు చేసుకుంది. అయితే, ఈ పేలుడు వెనుక తీవ్రవాద హస్తం లేదని... గ్యాస్ సిలిండర్ పేలడం వల్లే ప్రమాదం సంభవించిందని చైనా మీడియా వెల్లడించింది. పేలుడు వల్ల రెస్టారెంట్ లో పెద్ద ఎత్తున మంటలు చెలరేగాయి. రంగంలోకి దిగిన అగ్నిమాపక దళాలు మంటలను అదుపులోకి తెచ్చాయి.
