అక్కడ మహిళలకు రక్షణ లేదు... 5 నెలల్లో 51 అత్యాచారాలు!
అరాచకాల ఉత్తరప్రదేశ్ లో ఘజియాబాద్ జిల్లా రేపిస్టుల జిల్లాగా పేరుతెచ్చుకుంటోంది. ఈ జిల్లాలో యువతులు, మహిళలకు రక్షణ లేదంటే అతిశయోక్తి కాదు. దేశంలో అత్యధిక అత్యాచార ఘటనలు చోటుచేసుకునే ఉత్తరప్రదేశ్ రాష్ట్రంలోనే ఘజియాబాద్ జిల్లా నెంబర్ వన్ గా నిలుస్తోంది. గడచిన 5 నెలల్లో 51 అత్యాచార ఘటనలు జరిగినట్టు కేసులు నమోదయ్యాయి. పరువు ప్రతిష్ఠలు, అసమానతల కారణంగా బయటకు చెప్పుకోలేని అత్యాచారాలు మరెన్ని జరిగాయో లెక్కలేదు. పోలీసులు వెల్లడించిన వివరాల ప్రకారం ఈ ఏడాది మే 31 వరకు ఘజియాబాద్ జిల్లాలో 51 అత్యాచార కేసులు నమోదు కాగా, 208 వేధింపుల కేసులు నమోదయ్యాయట. ఇంత దారుణాలు చోటుచేసుకుంటున్నా, యూపీ పాలక పార్టీ పెద్దలు మాత్రం...పెద్ద రాష్ట్రంలో ఇలాంటి సంఘటనలు మామూలేనని వ్యాఖ్యానించడం విశేషం.
