జపాన్ లో పేలిన అగ్ని పర్వతం... ఎగసి పడుతున్న లావా

జపాన్ కు చెందిన కుచినరబో అనే ద్వీపంలో అగ్ని పర్వతం బద్దలైంది. దీంతో, పెద్ద ఎత్తున లావా, బూడిద ఎగసిపడుతున్నాయి. ఈ నేపథ్యంలో, ఆ ద్వీపంలోని ప్రజలందరినీ ఖాళీ చేయించాలని వాతావరణ శాఖ సూచించింది. దీంతో, ఆ ద్వీపంలోని ప్రజలను సురక్షిత ప్రాంతాలకు తరలించే పనిలో అధికారులు తలమునకలై ఉన్నారు. ప్రజలను సురక్షితంగా చూసుకునే బాధ్యత తమదే అని జపాన్ ప్రధాని ప్రకటించారు. పరిస్థితులు అదుపులోకి వచ్చిన తర్వాత ప్రజలు తిరిగి వారి నివాసాలకు రావచ్చని ఆయన తెలిపారు.