ఈ ఏడాది వేసవి సెలవులు క్రికెట్ షెడ్యూల్ తో ఆహ్లాదంగా గడవనున్నాయి. ఫిబ్రవరి 14న ప్రారంభం కానున్న వన్డే వరల్డ్ కప్ మార్చి 29తో ముగియనుంది. ఆ వెంటనే ఐపీఎల్ సీజన్ ప్రారంభం కానుంది. ఏప్రిల్ 8 నుంచి ఐపీఎల్ ప్రారంభమవుతుందని బీసీసీఐ ప్రకటించింది. దీంతో పరీక్షల సమయంలో వచ్చిన వరల్డ్ కప్ ను మిస్సవుతున్నామని విద్యార్థులు బాధపడాల్సిన అవసరం లేకుండా, వేసవిలో ఐపీఎల్ సందడి చేయనుంది. ఈ సీజన్ లో రాజస్థాన్ రాయల్స్ జట్టు అన్ని మ్యాచ్ లను అహ్మదాబాద్ లో ఆడనుంది. అయితే ఇప్పటివరకు పేలవ ప్రదర్శనకు పరిమితమైన టీమిండియా వరల్డ్ కప్ లో చూపే ప్రదర్శన ఆధారంగా ఐపీఎల్ కు ఆదరణ లభించే అవకాశం ఉందని క్రీడా విశ్లేషకులు అభిప్రాయపడుతున్నారు. ఈ లెక్కన టీమిండియా మెరుగైన ప్రదర్శన చూపిస్తేనే ఐపీఎల్ హిట్టయ్యే అవకాశం కనిపిస్తోంది. ఈ నేపధ్యంలో టీమిండియా బాగా ఆడుతుందా? అనే అనుమానం అందర్నీ పట్టిపీడిస్తోంది.