ఇకపై క్రికెట్ అంపైర్ల మాటలనూ వినొచ్చు!
క్రికెట్ మైదానంలో అంపైర్లు, థర్డ్ అంపైర్ లకు మధ్య జరిగే సంభాషణలను అభిమానులకూ వినిపించాలని ఐసీసీ నిర్ణయించింది. నానాటికీ అభివృద్ధి చెందుతున్న సాంకేతిక పరిజ్ఞానాన్ని క్రికెట్ కూ విస్తరిస్తున్న క్రమంలో తొలిసారిగా ఆస్ట్రేలియా-దక్షిణాఫ్రికా మధ్య జరిగే వన్డే మ్యాచ్‌లో ఈ విధానాన్ని ప్రయోగాత్మకంగా ఐసీసీ పరీక్షించనుంది.
మ్యాచ్ లో తలెత్తే పలు అనుమానాల నివృత్తిలో భాగంగా అంపైర్ల మధ్య జరిగే సంప్రదింపులను ఇక మీదట అందరూ వినే అవకాశం కల్పించే కొత్త టెక్నాలజీకి ఇప్పటికే ఐసీసీ గ్రీస్ సిగ్నల్ ఇచ్చింది. ఈ ప్రయోగం విజయవంతం అయితే 2015 వరల్డ్ కప్‌లో దీనిని అమలు చేసే అవకాశం ఉందని ఐసీసీ తెలిపింది.