ఎస్పీవై రెడ్డి, రేణుకలకు పార్టీ ఫిరాయింపు చట్టం వర్తించదు: యనమల

వైకాపాను వీడి టీడీపీలో చేరిన నంద్యాల ఎంపీ ఎస్పీవై రెడ్డి, కర్నూలు ఎంపీ బుట్టా రేణుకలకు పార్టీ ఫిరాయింపు చట్టం వర్తించదని టీడీపీ సీనియర్ నేత యనమల రామకృష్ణుడు తెలిపారు. వైఎస్సార్సీపీ కేవలం రిజిస్టర్ అయిన పార్టీ మాత్రమే అని... దానికి ఇంకా ఎన్నికల సంఘం గుర్తింపు లభించలేదని చెప్పారు. అందువల్ల ఆ పార్టీకి చెందిన ఎంపీలు, ఎమ్మెల్యేలకు ఇతర పార్టీల్లోకి వెళ్లే స్వేచ్ఛ ఉంటుందని స్పష్టం చేశారు. ఆంధ్రప్రదేశ్ లో వైకాపాకు చెందిన అనేక మంది ప్రజాప్రతినిధులు టీడీపీలో చేరేందుకు ఉత్సాహం చూపిస్తున్నారని... త్వరలోనే వీరంతా జగన్ పార్టీని వీడుతారని చెప్పారు. బుట్టా రేణుక ఇంకా అధికారికంగా టీడీపీలోకి చేరనప్పటికీ... ఎస్పీవై రెడ్డితో పాటు ఆమె భర్త కూడా పసుపు కండువా కప్పుకున్నారు.