ఎన్నికలకు ముందే టీఆర్ఎస్ కాంగ్రెస్ పార్టీలో కలిసిపోతుందని టీకాంగ్ నేత కోమటిరెడ్డి వెంకటరెడ్డి సంచలన వ్యాఖ్యలు చేశారు. కాకపోతే దళితుడినే తెలంగాణ ముఖ్యమంత్రి చేయాలని కేసీఆర్ షరతు పెట్టారని తెలిపారు. కాంగ్రెస్ లో తమకు దళితుడైన దామోదర రాజనర్సింహ ఉన్నారని అన్నారు. ఈ రోజు అసెంబ్లీ లాబీలో కోమటిరెడ్డి మాట్లాడుతూ, ఈ వ్యాఖ్యలు చేశారు. కేంద్రం ఆజ్ఞల మేరకే సీఎం కిరణ్ నడుచుకుంటున్నారని... కాకపోతే సమైక్యవాదిననే ముద్ర వేయించుకోవడానికి ఆయన డబుల్ గేమ్ ఆడుతున్నారని ఎద్దేవా చేశారు. అధిష్ఠానాన్ని కిరణ్ వ్యతిరేకించి ఉంటే, ఇప్పటికే ఆయన చంచల్ గూడ జైల్లో ఉండేవారని అన్నారు.