లంచం కేసులో పినరయి విజయన్‌కు షాక్‌.. ఎఫ్‌ఐఆర్‌ నమోదుకు హైకోర్టు ఆదేశం
- కుమార్తె వీణా, మాజీ మంత్రి రియాజ్‌పైనా కేసు నమోదు చేయాలని సూచన
- సీఎంఆర్‌ఎల్‌ నుంచి రూ.2.78 కోట్ల చెల్లింపులపై ఆరోపణలు
- ఎక్సాలోజిక్‌ సొల్యూషన్స్‌కు చెల్లింపులపై ఈడీ దర్యాప్తు
- దుబాయ్‌ నిధుల బదిలీలకు సంబంధించిన నోట్లు స్వాధీనం చేసుకున్న ఈడీ
- ఆరోపణలను ఖండించిన మహమ్మద్‌ రియాజ్‌
కేరళం మాజీ ముఖ్యమంత్రి పినరయి విజయన్‌కు హైకోర్టులో ఎదురుదెబ్బ తగిలింది. లంచం ఆరోపణలకు సంబంధించిన కేసులో ఆయనతో పాటు కుమార్తె వీణా టీ, ఆమె భర్త, మాజీ మంత్రి పీఏ మహమ్మద్‌ రియాజ్‌పై ఎఫ్‌ఐఆర్‌ నమోదు చేయాలని కేరళం హైకోర్టు ఆదేశించింది. ‘కొచ్చిన్‌ మినరల్స్‌ అండ్‌ రూటైల్‌ లిమిటెడ్‌’ (సీఎంఆర్‌ఎల్‌) సంస్థకు సంబంధించిన ఆరోపణలపై ఎన్‌ఫోర్స్‌మెంట్‌ డైరెక్టరేట్‌ (ఈడీ) సమర్పించిన నివేదిక ఆధారంగా ఈ పరిణామం చోటుచేసుకుంది.
జస్టిస్‌ ఏ.బదరుద్దీన్‌ ఈ మేరకు ఆదేశాలు జారీ చేశారు. న్యాయవాది కేఎం షాజహాన్‌ దాఖలు చేసిన పిటిషన్‌పై విచారణ జరిపిన న్యాయస్థానం.. ఆరోపణలపై ప్రాథమిక విచారణతో సరిపెట్టకుండా ఎఫ్‌ఐఆర్‌ నమోదు చేయాలని కోరిన అభ్యర్థనను అంగీకరించింది.
ఈడీ నివేదిక ప్రకారం.. కేరళంకు చెందిన సీఎంఆర్‌ఎల్‌ సంస్థ వీణా టీకి చెందిన ఎక్సాలోజిక్‌ సొల్యూషన్స్‌ కంపెనీకి రూ.2.78 కోట్లను చెల్లించింది. ఐటీ కన్సల్టెన్సీ సేవలకు చెల్లింపులుగా చూపించిన ఈ మొత్తాలు మోసపూరిత చెల్లింపులని ఈడీ ఆరోపించింది. జూన్‌లో తిరువనంతపురంలో వీణా నివసిస్తున్న అద్దె ఇంట్లో సోదాలు నిర్వహించిన ఈడీ.. అనంతరం ఆమెను ప్రశ్నించింది.
ఆగస్టులో విడుదల చేసిన ప్రకటనలో, వీణాకు సంబంధించిన సోదాల సమయంలో దుబాయ్‌కు నిధుల బదిలీల వివరాలున్న కొన్ని చేతిరాత నోట్లను స్వాధీనం చేసుకున్నట్లు ఈడీ తెలిపింది.
అయితే, ఈ ఆరోపణలను మహమ్మద్‌ రియాజ్‌ ఖండించారు. తనపై వచ్చిన ఆరోపణలు కల్పితమని తెలిపారు. తన ప్రతిష్ఠను దెబ్బతీసేందుకే చేస్తున్నారని గత నెలలో పేర్కొన్నారు. ఈడీ కేసును న్యాయపరంగా, రాజకీయంగా ఎదుర్కొంటామని చెప్పారు. ఈడీ విచారణలో వీణా ఆరోపణలను అంగీకరించారంటూ వచ్చిన వార్తలను కూడా ఆయన తోసిపుచ్చారు. అవి పూర్తిగా అబద్ధమని వ్యాఖ్యానించారు.
జస్టిస్‌ ఏ.బదరుద్దీన్‌ ఈ మేరకు ఆదేశాలు జారీ చేశారు. న్యాయవాది కేఎం షాజహాన్‌ దాఖలు చేసిన పిటిషన్‌పై విచారణ జరిపిన న్యాయస్థానం.. ఆరోపణలపై ప్రాథమిక విచారణతో సరిపెట్టకుండా ఎఫ్‌ఐఆర్‌ నమోదు చేయాలని కోరిన అభ్యర్థనను అంగీకరించింది.
ఈడీ నివేదిక ప్రకారం.. కేరళంకు చెందిన సీఎంఆర్‌ఎల్‌ సంస్థ వీణా టీకి చెందిన ఎక్సాలోజిక్‌ సొల్యూషన్స్‌ కంపెనీకి రూ.2.78 కోట్లను చెల్లించింది. ఐటీ కన్సల్టెన్సీ సేవలకు చెల్లింపులుగా చూపించిన ఈ మొత్తాలు మోసపూరిత చెల్లింపులని ఈడీ ఆరోపించింది. జూన్‌లో తిరువనంతపురంలో వీణా నివసిస్తున్న అద్దె ఇంట్లో సోదాలు నిర్వహించిన ఈడీ.. అనంతరం ఆమెను ప్రశ్నించింది.
ఆగస్టులో విడుదల చేసిన ప్రకటనలో, వీణాకు సంబంధించిన సోదాల సమయంలో దుబాయ్‌కు నిధుల బదిలీల వివరాలున్న కొన్ని చేతిరాత నోట్లను స్వాధీనం చేసుకున్నట్లు ఈడీ తెలిపింది.
అయితే, ఈ ఆరోపణలను మహమ్మద్‌ రియాజ్‌ ఖండించారు. తనపై వచ్చిన ఆరోపణలు కల్పితమని తెలిపారు. తన ప్రతిష్ఠను దెబ్బతీసేందుకే చేస్తున్నారని గత నెలలో పేర్కొన్నారు. ఈడీ కేసును న్యాయపరంగా, రాజకీయంగా ఎదుర్కొంటామని చెప్పారు. ఈడీ విచారణలో వీణా ఆరోపణలను అంగీకరించారంటూ వచ్చిన వార్తలను కూడా ఆయన తోసిపుచ్చారు. అవి పూర్తిగా అబద్ధమని వ్యాఖ్యానించారు.
