అసెంబ్లీకి తాగి వచ్చారా? పంజాబ్ సీఎం భగవంత్ మాన్పై బీజేపీ, కాంగ్రెస్ ఫైర్
- పంజాబ్ సీఎం భగవంత్ మాన్పై ప్రతిపక్షాల తీవ్ర ఆరోపణలు
- అసెంబ్లీకి మద్యం సేవించి వచ్చారని బీజేపీ, కాంగ్రెస్ విమర్శలు
- సీఎం తీరు పంజాబ్ ప్రతిష్టను దెబ్బతీస్తోందన్న కాంగ్రెస్
- మత్తు పదార్థాల రహిత రాష్ట్రంగా మారుస్తానన్న హామీని నేతలు గుర్తుచేశారు
- ఆరోపణల నడుమ అసెంబ్లీలో విశ్వాస పరీక్షలో నెగ్గిన సీఎం మాన్
పంజాబ్ ముఖ్యమంత్రి భగవంత్ మాన్ రాష్ట్ర అసెంబ్లీకి మద్యం సేవించి వచ్చారంటూ బీజేపీ, కాంగ్రెస్ పార్టీలు తీవ్ర స్థాయిలో ఆరోపణలు గుప్పించాయి. పంజాబ్ను మత్తు పదార్థాల రహిత రాష్ట్రంగా మారుస్తానని చెప్పిన ముఖ్యమంత్రే ఇలా ప్రవర్తించడం సిగ్గుచేటని ఇరు పార్టీల నేతలు మండిపడ్డారు.
ఈ ఘటనపై ఢిల్లీ బీజేపీ అధ్యక్షుడు వీరేంద్ర సచ్దేవా తీవ్రంగా స్పందించారు. "రాజ్యాంగంపై ప్రమాణం చేసి, ప్రజాస్వామ్య దేవాలయాలైన అసెంబ్లీ, పార్లమెంట్ ప్రాంగణంలో మద్యం మత్తులో తూలడం అత్యంత దారుణం. భగవంత్ మాన్ చర్య చాలా సిగ్గుచేటు" అని ఆయన విమర్శించారు. పంజాబ్ యువతను సీఎం మాన్ మత్తులోకి నెడుతున్నారని, ఢిల్లీలోనూ ఆప్ కన్వీనర్ అరవింద్ కేజ్రీవాల్ ఇదే సంస్కృతిని ప్రారంభించారని ఆరోపించారు.
పంజాబ్ కాంగ్రెస్ అధ్యక్షుడు అమరీందర్ సింగ్ రాజా వారింగ్ మాట్లాడుతూ.. "ముఖ్యమంత్రే సభా నిబంధనలు పాటించకపోతే ఇంకెవరు పాటిస్తారు? ఈ ఆరోపణలు నిజం కాకపోతే, సీఎం తన నిర్దోషిత్వాన్ని నిరూపించుకోవాలి. ఇటువంటి చర్యల వల్ల పంజాబ్ ప్రతిష్ఠ దెబ్బతింటోంది" అని అన్నారు. ఆప్ ప్రభుత్వం ఒత్తిడిలో ఉందని, సొంత ఎమ్మెల్యేలనే నమ్మలేని స్థితిలో ఉందని ఆయన వ్యాఖ్యానించారు.
పంజాబ్ ప్రతిపక్ష నేత ప్రతాప్ సింగ్ బజ్వా మాట్లాడుతూ, "దేశానికి స్వాతంత్ర్యం వచ్చిన 75 ఏళ్లలో ఒక ముఖ్యమంత్రిపై ఇంత తీవ్రమైన ఆరోపణ రావడం ఇదే తొలిసారి. దీనిపై వివరణ ఇచ్చే అవకాశాన్ని ఆయన వినియోగించుకోలేదు. అంటే మా ఆరోపణ నిజమని రుజువైంది" అని పేర్కొన్నారు.
అయితే, ఈ ఆరోపణలు, విమర్శల నడుమ ముఖ్యమంత్రి భగవంత్ మాన్ సభలో ప్రవేశపెట్టిన విశ్వాస తీర్మానం ఏకగ్రీవంగా నెగ్గడం గమనార్హం.
ఈ ఘటనపై ఢిల్లీ బీజేపీ అధ్యక్షుడు వీరేంద్ర సచ్దేవా తీవ్రంగా స్పందించారు. "రాజ్యాంగంపై ప్రమాణం చేసి, ప్రజాస్వామ్య దేవాలయాలైన అసెంబ్లీ, పార్లమెంట్ ప్రాంగణంలో మద్యం మత్తులో తూలడం అత్యంత దారుణం. భగవంత్ మాన్ చర్య చాలా సిగ్గుచేటు" అని ఆయన విమర్శించారు. పంజాబ్ యువతను సీఎం మాన్ మత్తులోకి నెడుతున్నారని, ఢిల్లీలోనూ ఆప్ కన్వీనర్ అరవింద్ కేజ్రీవాల్ ఇదే సంస్కృతిని ప్రారంభించారని ఆరోపించారు.
పంజాబ్ కాంగ్రెస్ అధ్యక్షుడు అమరీందర్ సింగ్ రాజా వారింగ్ మాట్లాడుతూ.. "ముఖ్యమంత్రే సభా నిబంధనలు పాటించకపోతే ఇంకెవరు పాటిస్తారు? ఈ ఆరోపణలు నిజం కాకపోతే, సీఎం తన నిర్దోషిత్వాన్ని నిరూపించుకోవాలి. ఇటువంటి చర్యల వల్ల పంజాబ్ ప్రతిష్ఠ దెబ్బతింటోంది" అని అన్నారు. ఆప్ ప్రభుత్వం ఒత్తిడిలో ఉందని, సొంత ఎమ్మెల్యేలనే నమ్మలేని స్థితిలో ఉందని ఆయన వ్యాఖ్యానించారు.
పంజాబ్ ప్రతిపక్ష నేత ప్రతాప్ సింగ్ బజ్వా మాట్లాడుతూ, "దేశానికి స్వాతంత్ర్యం వచ్చిన 75 ఏళ్లలో ఒక ముఖ్యమంత్రిపై ఇంత తీవ్రమైన ఆరోపణ రావడం ఇదే తొలిసారి. దీనిపై వివరణ ఇచ్చే అవకాశాన్ని ఆయన వినియోగించుకోలేదు. అంటే మా ఆరోపణ నిజమని రుజువైంది" అని పేర్కొన్నారు.
అయితే, ఈ ఆరోపణలు, విమర్శల నడుమ ముఖ్యమంత్రి భగవంత్ మాన్ సభలో ప్రవేశపెట్టిన విశ్వాస తీర్మానం ఏకగ్రీవంగా నెగ్గడం గమనార్హం.
