Kumar Jewellers: అమెరికాలో భారతీయ జువెలరీ స్టోర్లో భారీ దోపిడీ.. 70 సెకన్లలో రూ.16 కోట్లు లూటీ.. వైరల్ అవుతున్న వీడియో
కాలిఫోర్నియా: అమెరికాలోని కాలిఫోర్నియాలో భారత సంతతికి చెందిన వర్మ కుటుంబం నడుపుతున్న నగల దుకాణంలో జరిగిన ఓ భారీ దోపిడీకి సంబంధించిన వీడియో ప్రస్తుతం సోషల్ మీడియాలో ప్రకంపనలు సృష్టిస్తోంది. గతేడాది జరిగిన ఈ ఘటనకు సంబంధించిన సర్వైలెన్స్ ఫుటేజ్ను యూఎస్ డిపార్ట్మెంట్ ఆఫ్ జస్టిస్ తాజాగా విడుదల చేయడంతో ఈ ఉదంతం మరోసారి వెలుగులోకి వచ్చింది. సుమారు 20 మంది ముసుగు దుండగులు కేవలం 70 సెకన్ల వ్యవధిలో సుమారు 1.7 మిలియన్ డాలర్లు (భారత కరెన్సీలో దాదాపు రూ.16 కోట్లు) విలువైన బంగారు, వజ్రాభరణాలను దోచుకెళ్లారు.
వివరాల్లోకి వెళితే, 2025 జూన్ 18న కాలిఫోర్నియాలోని ఫ్రీమాంట్లో ఉన్న 'కుమార్ జువెలర్స్' అనే షోరూంలో ఈ దోపిడీ జరిగింది. తాజాగా విడుదలైన వీడియోలో, దాదాపు 20 నుంచి 24 మంది ముసుగులు ధరించిన దుండగులు ఒకేసారి షోరూంలోకి చొరబడిన దృశ్యాలు నమోదయ్యాయి. చేతుల్లో సుత్తులు, ఇతర పరికరాలతో షోరూంలోని డిస్ప్లే కేస్లను పగలగొట్టి, అందులో ఉన్న నగలను వేగంగా సంచుల్లో నింపుకున్నారు. ఓ సైనిక బృందం దాడి చేసినట్లుగా, పక్కా ప్రణాళికతో వారు ఈ దోపిడీకి పాల్పడ్డారు. ఓ దుండగుడు సెక్యూరిటీ గార్డుకు తుపాకీ గురిపెట్టి బెదిరించినట్లు కూడా సమాచారం. కేవలం 70 సెకన్లలోనే తమ పని పూర్తి చేసుకుని, అక్కడి నుంచి దొంగిలించిన వాహనాల్లో పరారయ్యారు.
ఈ దోపిడీలో దుకాణంలోని దాదాపు 75 నుంచి 80 శాతం విలువైన సరుకును దుండగులు ఎత్తుకెళ్లినట్లు వర్మ కుటుంబం తెలిపింది. ఈ ఘటనపై కేసు నమోదు చేసుకున్న అధికారులు దర్యాప్తు చేపట్టారు. తాజాగా ఈ కేసుకు సంబంధించి కీలక పురోగతి సాధించారు. ఫెడరల్ గ్రాండ్ జ్యూరీ నలుగురు నిందితులపై అభియోగాలు నమోదు చేసింది. వారిని అఫాతుపెటైకి ఫాసిసిలా (20), జోస్ హెర్రాడా-అరగోన్ (20), ఆండ్రెస్ పలెస్టినో (19), టామ్ పార్కర్ డొనెగన్ (19)గా గుర్తించారు. నేరం రుజువైతే వీరికి గరిష్టంగా 20 ఏళ్ల వరకు జైలు శిక్ష పడే అవకాశం ఉంది.
ఈ దోపిడీలో పాల్గొన్న మిగతా నిందితుల కోసం దర్యాప్తు కొనసాగుతోందని అధికారులు తెలిపారు. గతేడాది జరిగిన దోపిడీ వీడియో ఇప్పుడు వైరల్ కావడంతో, అమెరికాలో భారతీయ వ్యాపారుల భద్రతపై మరోసారి ఆందోళన వ్యక్తమవుతోంది.
వివరాల్లోకి వెళితే, 2025 జూన్ 18న కాలిఫోర్నియాలోని ఫ్రీమాంట్లో ఉన్న 'కుమార్ జువెలర్స్' అనే షోరూంలో ఈ దోపిడీ జరిగింది. తాజాగా విడుదలైన వీడియోలో, దాదాపు 20 నుంచి 24 మంది ముసుగులు ధరించిన దుండగులు ఒకేసారి షోరూంలోకి చొరబడిన దృశ్యాలు నమోదయ్యాయి. చేతుల్లో సుత్తులు, ఇతర పరికరాలతో షోరూంలోని డిస్ప్లే కేస్లను పగలగొట్టి, అందులో ఉన్న నగలను వేగంగా సంచుల్లో నింపుకున్నారు. ఓ సైనిక బృందం దాడి చేసినట్లుగా, పక్కా ప్రణాళికతో వారు ఈ దోపిడీకి పాల్పడ్డారు. ఓ దుండగుడు సెక్యూరిటీ గార్డుకు తుపాకీ గురిపెట్టి బెదిరించినట్లు కూడా సమాచారం. కేవలం 70 సెకన్లలోనే తమ పని పూర్తి చేసుకుని, అక్కడి నుంచి దొంగిలించిన వాహనాల్లో పరారయ్యారు.
ఈ దోపిడీలో దుకాణంలోని దాదాపు 75 నుంచి 80 శాతం విలువైన సరుకును దుండగులు ఎత్తుకెళ్లినట్లు వర్మ కుటుంబం తెలిపింది. ఈ ఘటనపై కేసు నమోదు చేసుకున్న అధికారులు దర్యాప్తు చేపట్టారు. తాజాగా ఈ కేసుకు సంబంధించి కీలక పురోగతి సాధించారు. ఫెడరల్ గ్రాండ్ జ్యూరీ నలుగురు నిందితులపై అభియోగాలు నమోదు చేసింది. వారిని అఫాతుపెటైకి ఫాసిసిలా (20), జోస్ హెర్రాడా-అరగోన్ (20), ఆండ్రెస్ పలెస్టినో (19), టామ్ పార్కర్ డొనెగన్ (19)గా గుర్తించారు. నేరం రుజువైతే వీరికి గరిష్టంగా 20 ఏళ్ల వరకు జైలు శిక్ష పడే అవకాశం ఉంది.
ఈ దోపిడీలో పాల్గొన్న మిగతా నిందితుల కోసం దర్యాప్తు కొనసాగుతోందని అధికారులు తెలిపారు. గతేడాది జరిగిన దోపిడీ వీడియో ఇప్పుడు వైరల్ కావడంతో, అమెరికాలో భారతీయ వ్యాపారుల భద్రతపై మరోసారి ఆందోళన వ్యక్తమవుతోంది.
