ఏపీపై యూఏఈ సంస్థల ఆసక్తి... రంగాలవారీగా అవకాశాలు వివరించిన సీఎం చంద్రబాబు
- పెట్టుబడుల కోసం యూఏఈలో సీఎం చంద్రబాబు మూడు రోజుల పర్యటన
- తొలిరోజే షరాఫ్, శోభా రియాల్టీ వంటి ప్రముఖ సంస్థలతో కీలక సమావేశాలు
- ఏపీలో లాజిస్టిక్స్ పార్కులు, రియల్ ఎస్టేట్ ప్రాజెక్టులపై ప్రధానంగా చర్చ
- విశాఖలో నవంబర్‌లో జరిగే భాగస్వామ్య సదస్సుకు పారిశ్రామికవేత్తలకు ఆహ్వానం
- ఏపీ, యూఏఈ మధ్య వాణిజ్య బంధం బలపడేలా చూడాలని రాయబార కార్యాలయ ప్రతినిధులకు సూచన
- అవసరమైతే రాష్ట్రంలో కొత్త పాలసీలు తెస్తామని పారిశ్రామికవేత్తలకు హామీ
- వైద్యారోగ్య రంగంలో పెట్టుబడులకు ఆహ్వానం
ఆంధ్రప్రదేశ్‌కు పెట్టుబడులను ఆకర్షించే లక్ష్యంతో సీఎం చంద్రబాబు తన యునైటెడ్ అరబ్ ఎమిరేట్స్ (యూఏఈ) పర్యటనను వేగవంతం చేశారు. మూడు రోజుల పర్యటనలో భాగంగా బుధవారం దుబాయ్ చేరుకున్న ఆయన, తొలిరోజే లాజిస్టిక్స్, రియల్ ఎస్టేట్ రంగాలకు చెందిన దిగ్గజ సంస్థల ప్రతినిధులతో కీలక సమావేశాలు నిర్వహించారు. రాష్ట్రంలో పెట్టుబడులకు ఉన్న అపార అవకాశాలను వివరిస్తూ, పారిశ్రామికవేత్తలను ఏపీకి ఆహ్వానించారు.
లాజిస్టిక్స్, రియల్టీ రంగాలపై ప్రధాన దృష్టి
పర్యటనలో భాగంగా సీఎం చంద్రబాబు, ప్రముఖ ‘షరాఫ్ గ్రూప్’ వైస్ ఛైర్మన్ షరాఫుద్దీన్ షరాఫ్‌తో సమావేశమయ్యారు. రాష్ట్రంలో పారిశ్రామిక కారిడార్ల అభివృద్ధి జరుగుతున్న నేపథ్యంలో ఆధునిక లాజిస్టిక్స్ పార్కులు, గిడ్డంగుల ఏర్పాటుకు సహకరించాలని కోరారు. ఏపీలో పోర్టులు, జాతీయ రహదారుల అనుసంధానం కార్గో రవాణాకు అనుకూలంగా ఉందని వివరించారు. దీనిపై సానుకూలంగా స్పందించిన షరాఫ్ గ్రూప్, తమ అనుబంధ సంస్థ ‘హింద్ టెర్మినల్స్’ ద్వారా ఏపీలో పెట్టుబడులు పెట్టేందుకు ఆసక్తి చూపింది. పోర్టు, రైల్వే కనెక్టివిటీ ఉన్న ప్రాంతాన్ని గుర్తిస్తే ప్రాజెక్టు ఏర్పాటుకు ముందుకొస్తామని తెలిపింది.
అనంతరం, ‘శోభా రియాల్టీ’ చైర్మన్ రవి మీనన్‌తో సీఎం భేటీ అయ్యారు. అమరావతి, విశాఖ, తిరుపతి నగరాల్లో ఐటీ పార్కులు, హోటళ్లు, కన్వెన్షన్ సెంటర్లు, హౌసింగ్ ప్రాజెక్టుల నిర్మాణానికి ఉన్న అవకాశాలను వివరించారు. రాష్ట్రంలో పెట్టుబడులకు అనుకూలంగా విధానాల్లో మార్పులు చేయడానికి కూడా సిద్ధంగా ఉన్నామని ముఖ్యమంత్రి స్పష్టం చేశారు.
భారత రాయబార కార్యాలయ ప్రతినిధులతో సమావేశం
అంతకుముందు, దుబాయ్‌లోని భారత కాన్సుల్ జనరల్ సతీష్ కుమార్ శివన్, అబుదాబిలోని డిప్యూటీ చీఫ్ ఆఫ్ మిషన్ అమర్‌నాథ్‌తో చంద్రబాబు సమావేశమయ్యారు. ఏపీ, యూఏఈ మధ్య పారిశ్రామిక బంధాన్ని బలోపేతం చేసేందుకు సహకరించాలని వారిని కోరారు. గ్రీన్ ఎనర్జీ, టెక్నాలజీ, పోర్టులు, డేటా సెంటర్లు, ఫుడ్ ప్రాసెసింగ్ వంటి రంగాల్లో ఏపీలో పుష్కలమైన వనరులు ఉన్నాయని తెలిపారు. విశాఖలో గూగుల్ 15 బిలియన్ డాలర్లతో ఏర్పాటు చేస్తున్న డేటా ఏఐ హబ్ గురించి వారికి వివరించారు.
ఈ సందర్భంగా రాయబార కార్యాలయ ప్రతినిధులు మాట్లాడుతూ, భారత్, యూఏఈ మధ్య వాణిజ్యం గత మూడేళ్లలో 50 శాతం పెరిగిందని తెలిపారు. యూఏఈ ప్రస్తుతం నాన్-ఆయిల్ ఎకానమీపై దృష్టి పెట్టిందని, ముఖ్యంగా టెక్నాలజీ, విద్య, వైద్య రంగాల్లో పెట్టుబడులకు ఆసక్తి చూపుతోందని సీఎంకు వివరించారు.
నవంబర్ 14, 15 తేదీల్లో విశాఖపట్నంలో సీఐఐ స‌హ‌కారంతో నిర్వహించనున్న భాగస్వామ్య సదస్సుకు యూఏఈలోని పారిశ్రామికవేత్తలను ఆహ్వానిస్తున్నట్లు సీఎం తెలిపారు. ఈ సమావేశంలో మంత్రులు బీసీ జనార్దన్ రెడ్డి, టీజీ భరత్, ఉన్నతాధికారులు పాల్గొన్నారు.
వైద్యారోగ్య రంగంలో పెట్టుబడులకు ఆహ్వానం
అబుదాబిలోని వైద్యారోగ్య రంగంలో ప్రతిష్ఠాత్మక సంస్థ బుర్జిల్ హెల్త్ కేర్ హోల్డింగ్స్ ఛైర్మన్ షంషీర్ వయాలిల్‌తో సీఎం చంద్రబాబు సమావేశం అయ్యారు. ఆ రంగంలో ఏపీలో పెట్టుబడులు పెట్టేందుకు బుర్జిల్ హెల్త్ కేర్ హోల్డింగ్స్ సంస్థ ఆసక్తి కనబరిచింది. తిరుపతిలో స్పెషల్ క్యాన్సర్ సెంటర్ నిర్మాణానికి ముందుకు వచ్చింది. రీసెర్చ్ అండ్ ఎడ్యుకేషన్‌పై తమ సంస్థకు విశేషమైన అనుభవం ఉందని సంస్థ ప్రతినిధులు సీఎంకు వివరించారు. అబుదాబిలో అతి పెద్ద క్యాన్సర్ ఆస్పత్రిని నిర్వహిస్తున్నట్టు తెలిపింది. బుర్జిల్ సంస్థ ఛైర్మన్‌తో భేటీలో భాగంగా వైద్యారోగ్యంలో రాష్ట్ర ప్రభుత్వం తీసుకువస్తున్న మార్పులను సీఎం వివరించారు. వైద్యారోగ్య రంగంలో ప్రివెంటివ్-క్యూరేటీవ్ అనే విధానాన్ని అవలంభిస్తున్నట్టు ముఖ్యమంత్రి చెప్పారు. ఇప్పటికే రాష్ట్రంలో హెల్త్ కార్డుల డిజటలీకరణ ప్రాజెక్టును పైలెట్ గా చేపట్టినట్టు చంద్రబాబు వివరించారు. ఈ సమావేశంలో మంత్రులు బీసీ జనార్దన్ రెడ్డి, టీజీ భరత్ తో పాటు పరిశ్రమలశాఖ, ఈడీబీకి చెందిన ఉన్నతాధికారులు పాల్గొన్నారు.
లాజిస్టిక్స్, రియల్టీ రంగాలపై ప్రధాన దృష్టి
పర్యటనలో భాగంగా సీఎం చంద్రబాబు, ప్రముఖ ‘షరాఫ్ గ్రూప్’ వైస్ ఛైర్మన్ షరాఫుద్దీన్ షరాఫ్‌తో సమావేశమయ్యారు. రాష్ట్రంలో పారిశ్రామిక కారిడార్ల అభివృద్ధి జరుగుతున్న నేపథ్యంలో ఆధునిక లాజిస్టిక్స్ పార్కులు, గిడ్డంగుల ఏర్పాటుకు సహకరించాలని కోరారు. ఏపీలో పోర్టులు, జాతీయ రహదారుల అనుసంధానం కార్గో రవాణాకు అనుకూలంగా ఉందని వివరించారు. దీనిపై సానుకూలంగా స్పందించిన షరాఫ్ గ్రూప్, తమ అనుబంధ సంస్థ ‘హింద్ టెర్మినల్స్’ ద్వారా ఏపీలో పెట్టుబడులు పెట్టేందుకు ఆసక్తి చూపింది. పోర్టు, రైల్వే కనెక్టివిటీ ఉన్న ప్రాంతాన్ని గుర్తిస్తే ప్రాజెక్టు ఏర్పాటుకు ముందుకొస్తామని తెలిపింది.
అనంతరం, ‘శోభా రియాల్టీ’ చైర్మన్ రవి మీనన్‌తో సీఎం భేటీ అయ్యారు. అమరావతి, విశాఖ, తిరుపతి నగరాల్లో ఐటీ పార్కులు, హోటళ్లు, కన్వెన్షన్ సెంటర్లు, హౌసింగ్ ప్రాజెక్టుల నిర్మాణానికి ఉన్న అవకాశాలను వివరించారు. రాష్ట్రంలో పెట్టుబడులకు అనుకూలంగా విధానాల్లో మార్పులు చేయడానికి కూడా సిద్ధంగా ఉన్నామని ముఖ్యమంత్రి స్పష్టం చేశారు.
భారత రాయబార కార్యాలయ ప్రతినిధులతో సమావేశం
అంతకుముందు, దుబాయ్‌లోని భారత కాన్సుల్ జనరల్ సతీష్ కుమార్ శివన్, అబుదాబిలోని డిప్యూటీ చీఫ్ ఆఫ్ మిషన్ అమర్‌నాథ్‌తో చంద్రబాబు సమావేశమయ్యారు. ఏపీ, యూఏఈ మధ్య పారిశ్రామిక బంధాన్ని బలోపేతం చేసేందుకు సహకరించాలని వారిని కోరారు. గ్రీన్ ఎనర్జీ, టెక్నాలజీ, పోర్టులు, డేటా సెంటర్లు, ఫుడ్ ప్రాసెసింగ్ వంటి రంగాల్లో ఏపీలో పుష్కలమైన వనరులు ఉన్నాయని తెలిపారు. విశాఖలో గూగుల్ 15 బిలియన్ డాలర్లతో ఏర్పాటు చేస్తున్న డేటా ఏఐ హబ్ గురించి వారికి వివరించారు.
ఈ సందర్భంగా రాయబార కార్యాలయ ప్రతినిధులు మాట్లాడుతూ, భారత్, యూఏఈ మధ్య వాణిజ్యం గత మూడేళ్లలో 50 శాతం పెరిగిందని తెలిపారు. యూఏఈ ప్రస్తుతం నాన్-ఆయిల్ ఎకానమీపై దృష్టి పెట్టిందని, ముఖ్యంగా టెక్నాలజీ, విద్య, వైద్య రంగాల్లో పెట్టుబడులకు ఆసక్తి చూపుతోందని సీఎంకు వివరించారు.
నవంబర్ 14, 15 తేదీల్లో విశాఖపట్నంలో సీఐఐ స‌హ‌కారంతో నిర్వహించనున్న భాగస్వామ్య సదస్సుకు యూఏఈలోని పారిశ్రామికవేత్తలను ఆహ్వానిస్తున్నట్లు సీఎం తెలిపారు. ఈ సమావేశంలో మంత్రులు బీసీ జనార్దన్ రెడ్డి, టీజీ భరత్, ఉన్నతాధికారులు పాల్గొన్నారు.
వైద్యారోగ్య రంగంలో పెట్టుబడులకు ఆహ్వానం
అబుదాబిలోని వైద్యారోగ్య రంగంలో ప్రతిష్ఠాత్మక సంస్థ బుర్జిల్ హెల్త్ కేర్ హోల్డింగ్స్ ఛైర్మన్ షంషీర్ వయాలిల్‌తో సీఎం చంద్రబాబు సమావేశం అయ్యారు. ఆ రంగంలో ఏపీలో పెట్టుబడులు పెట్టేందుకు బుర్జిల్ హెల్త్ కేర్ హోల్డింగ్స్ సంస్థ ఆసక్తి కనబరిచింది. తిరుపతిలో స్పెషల్ క్యాన్సర్ సెంటర్ నిర్మాణానికి ముందుకు వచ్చింది. రీసెర్చ్ అండ్ ఎడ్యుకేషన్‌పై తమ సంస్థకు విశేషమైన అనుభవం ఉందని సంస్థ ప్రతినిధులు సీఎంకు వివరించారు. అబుదాబిలో అతి పెద్ద క్యాన్సర్ ఆస్పత్రిని నిర్వహిస్తున్నట్టు తెలిపింది. బుర్జిల్ సంస్థ ఛైర్మన్‌తో భేటీలో భాగంగా వైద్యారోగ్యంలో రాష్ట్ర ప్రభుత్వం తీసుకువస్తున్న మార్పులను సీఎం వివరించారు. వైద్యారోగ్య రంగంలో ప్రివెంటివ్-క్యూరేటీవ్ అనే విధానాన్ని అవలంభిస్తున్నట్టు ముఖ్యమంత్రి చెప్పారు. ఇప్పటికే రాష్ట్రంలో హెల్త్ కార్డుల డిజటలీకరణ ప్రాజెక్టును పైలెట్ గా చేపట్టినట్టు చంద్రబాబు వివరించారు. ఈ సమావేశంలో మంత్రులు బీసీ జనార్దన్ రెడ్డి, టీజీ భరత్ తో పాటు పరిశ్రమలశాఖ, ఈడీబీకి చెందిన ఉన్నతాధికారులు పాల్గొన్నారు.
