దర్శకుడు దేవ కట్టా కామెంట్స్‌ను రీట్వీట్ చేసిన నారా లోకేశ్

తెలుగుదేశం పార్టీ జాతీయ ప్రధాన కార్యదర్శి నారా లోకేశ్ ఆంధ్రప్రదేశ్‌లో పాలనపై పరోక్షంగా విమర్శలు గుప్పించారు. ప్రముఖ దర్శకుడు, రచయిత దేవ కట్టా చేసిన ఓ ట్వీట్‌ను రీట్వీట్ చేశారు. ప్రజాస్వామ్యంలో నేరం రుజువయ్యేవరకు దోషి కాదని, కానీ నియంతృత్వంలో మాత్రం నిర్దోషి అని నిరూపించబడే వరకు మీరు దోషి అని దేవ కట్టా చేసిన ట్వీట్‌ను రీట్వీట్ చేశారు.
'ప్రజాస్వామ్యం: నేరం రుజువయ్యే వరకు మీరు దోషి కాదు!!
నియంతృత్వం: నిర్దోషి అని నిరూపించబడే వరకు మీరు దోషులే!!'
స్కిల్ డెవలప్‌మెంట్ కేసులో చంద్రబాబును సీఐడీ గత నెల 9న అరెస్ట్ చేసిన విషయం తెలిసిందే. నెల రోజులకు పైగా ఆయన రాజమండ్రి కేంద్రకారాగారంలో ఉంటున్నారు.