వన్డే ప్రపంచ కప్ ప్రారంభం.. టాస్ గెలిచి ఫీల్డింగ్ ఎంచుకున్న న్యూజిలాండ్

అతిపెద్ద క్రికెట్ ఈవెంట్ వన్డే వరల్డ్ కప్ ప్రారంభమయింది. అహ్మదాబాద్ వేదికగా ఇంగ్లండ్, న్యూజిలాండ్ జట్ల మధ్య తొలి మ్యాచ్ స్టార్ట్ అయింది. ఈ మ్యాచ్ లో టాస్ గెలిచిన న్యూజిలాండ్ ఫీల్డింగ్ ఎంచుకుంది. ఇంగ్లండ్ బ్యాటింగ్ ను ఓపెనర్లు డేవిడ్ మలాన్, బెయిర్ స్టో ప్రారంభించారు. 4 ఓవర్లలో ఇంగ్లండ్ జట్టు వికెట్ కోల్పోకుండా 21 పరుగులు చేసింది. బెయిర్ స్టో 12 పరుగులు, మలాన్ 9 పరుగులతో క్రీజ్ లో ఉన్నారు. ఈ మ్యాచ్ కు కుమార ధర్మసేన, నితిన్ మీనన్ అంపైర్లుగా... జవగల్ శ్రీనాథ్ మ్యాచ్ రెఫరీగా వ్యవహరిస్తున్నారు.