బాస్ లేటుగా వచ్చాడని.. ఇంటర్వ్యూను బహిష్కరించిన ఉద్యోగార్థి
- తనకు ఉద్యోగావసరం ఎంత ఉందో తేల్చేందుకు కంపెనీ ఈ పరీక్ష పెట్టారన్న అభ్యర్థి
- ఆ జాబ్లో చేరి ఉంటే వేధింపుల బారిన పడి ఉండేవాడినని వెల్లడి
- ఉద్యోగార్థి వింత చర్య నెట్టింట వైరల్
నెటిజన్లు తొలుత మనోడి కాన్ఫిడెన్స్ చూసి తెగ ముచ్చపడిపోయారు. అయితే, అతడు తన నిర్ణయానికి గల అసలు కారణం వివరించడంతో నెట్టింట మరో చర్చ మొదలైంది. తన అనుభవాన్ని వివరిస్తూ మనోడు ఇలా రాసుకొచ్చాడు.
‘‘మధ్యాహ్నం 2.30 గంటలకు ఇంటర్వ్యూ కోసం ఆఫీసులో కాలుపెట్టా. అప్పుడే నాకు డైరెక్టర్తో అపాయింట్మెంట్ దొరికింది. బాస్ మరో నిమిషంలో వస్తారని రిసెష్షన్లో ఉన్న సిబ్బంది చెప్పారు. కానీ, 15 నిమిషాలు గడిచినా ఆయన రాలేదు. సరిగ్గా 2.45కి నేను నాదారిన బయటకు వచ్చేశా. మళ్లీ వెనక్కు తిరిగి కూడా చూడలేదు. నా రంగంలో ఉన్న పరిస్థితులు ఏంటో నాకు తెలుసు. నన్ను ఇంత సేపు వేచి చూసేలా చేయాల్సిన పరిస్థితులేం లేవు. ఈ మొత్తం వ్యవహారాన్ని జాగ్రత్తగా పరిశీలిస్తే డేంజర్ బెల్స్ వినిపించాయి. నాకు సహనం ఎంత ఉందో పరీక్షించేందుకు ఇలా చేశారు. నాకు ఉద్యోగం అవసరం ఎంత ఉందనేది ఇలా తెలుసుకోవాలనుకున్నారు. ఈ పరిస్థితుల్లో అక్కడ చేరితే నాకు ఇబ్బందులు తప్పవు’’ అంటూ రాసుకొచ్చాడు.
కాగా, ఉద్యోగార్థి చర్యతో అనేక మంది ఏకీభవించారు. ఆలస్యం జరిగే అవకాశం ఉన్నప్పుడు ఆ విషయాన్ని కచ్చితంగా చెప్పడం కనీస మర్యాదని అనేక మంది కామెంట్ చేశారు.
