Lawrence: ఓటీటీలో 'రుద్రుడు' .. స్ట్రీమింగ్ ఎప్పుడంటే .!

లారెన్స్ నుంచి ఇటీవల కాలంలో సినిమాలేవీ రాలేదు. ఒకప్పుడు వరుసగా హారర్ కామెడీ సినిమాలను వదులుతూ వెళ్లిన ఆయన, భారీ విజయాలను సొంతం చేసుకున్నారు. అలాంటి ఆయన ఈ మధ్య కాలంలో తన జోరును తగ్గించారు. క్రితం నెలలోనే ఆయన నుంచి 'రుద్రన్' (రుద్రుడు) సినిమా వచ్చింది. 

యాక్షన్ థ్రిల్లర్ నేపథ్యంలో రూపొందిన ఈ సినిమా, ఏప్రిల్ 14వ తేదీన విడుదలైంది. తమిళంలో ఈ సినిమా బాగానే ఆడింది కానీ, తెలుగులో మాత్రం అంతగా ఆదరణ పొందలేదు. అలాంటి ఈ సినిమా స్ట్రీమింగ్ హక్కులను సన్ నెక్స్ట్ వారు దక్కించుకున్నారు. ఈ నెల 14 నుంచి తెలుగు .. తమిళ భాషల్లో స్ట్రీమింగ్ మొదలుకానుంది. 

కథిరేసన్ దర్శక నిర్మాతగా వ్యవహరించిన ఈ సినిమాలో, లారెన్స్ జోడీగా ప్రియా భవాని శంకర్ కనిపించనుంది. సామ్ సీఎస్ బ్యాక్ గ్రౌండ్ స్కోర్ ఈ సినిమాను నెక్స్ట్ లెవెల్ కి తీసుకుని వెళ్లింది. శరత్ కుమార్ ప్రతినాయకుడిగా నటించిన ఈ సినిమాలో, నాజర్ .. పూర్ణిమ భాగ్యరాజ్ .. కాళీ వెంకట్ ముఖ్యమైన పాత్రలను పోషించారు.