Nani: ఈ వారం ఓటీటీ సినిమాలివే!
- ఈ నెల 27న నెట్ ఫ్లిక్స్ లో 'దసరా'
- అదే రోజున అమెజాన్ ప్రైమ్ లో 'పత్తుతల' తమిళ చిత్రం
- ఈ నెల 28వ తేదీన సోనీలివ్ లో 'తురముఖం' మలయాళ చిత్రం
- అదే రోజున 'జీ 5'లో యూ టర్న్ హిందీ మూవీ
ఈ వారం ఓటీటీ ఫ్లాట్ ఫామ్ పైకి తెలుగు .. తమిళ .. మలయాళ .. హిందీ సినిమాలు రానున్నాయి. ఈ నెల 27వ తేదీన నెట్ ఫ్లిక్స్ లో 'దసరా' సినిమా స్ట్రీమింగ్ కానుంది. మార్చి 30వ తేదీన ఈ సినిమా థియేటర్లకు వచ్చింది. నాని - కీర్తి సురేశ్ జంటగా నటించిన ఈ సినిమా, థియేటర్ల నుంచి మంచి వసూళ్లను రాబట్టింది. శ్రీకాంత్ ఓదెల దర్శకత్వం వహించిన ఈ సినిమా, ఓటీటీ వైపు నుంచి మంచి రెస్పాన్స్ ను రాబట్టే అవకాశాలు ఉన్నాయి.
అమెజాన్ ప్రైమ్ లో ఈ నెల 27వ తేదీ నుంచి 'పత్తు తల' తమిళ సినిమా స్ట్రీమింగ్ కానుంది. శింబు - ప్రియా భవాని శంకర్ జంటగా నటించిన ఈ సినిమా, మార్చి 30వ తేదీన థియేటర్లకు వచ్చింది. కృష్ణ దర్శకత్వం వహించిన ఈ సినిమా వైవిధ్యభరితమైన సినిమాగా నిలిచింది.
ఇక సోనీ లివ్ లో 'తురముఖం' అనే మలయాళ సినిమా ఈ నెల 28వ తేదీన స్ట్రీమింగ్ కానుంది. నివీన్ పౌలి .. జోజు జార్జ్ ప్రధానమైన పాత్రలను పోషించిన ఈ సినిమాకి రాజీవ్ రవి దర్శకత్వం వహించాడు. మార్చి 10వ తేదీన ఈ సినిమా థియేటర్లకు వచ్చింది. ఇదే రోజున 'జీ 5'లో 'యూ టర్న్' హిందీ మూవీ స్ట్రీమింగ్ కానుంది.
