'ఫీలింగ్ స్టార్ ప్రీతమ్ కుమార్' గా సునీల్!

సునీల్ ఈ మధ్య కాలంలో వీలైతే హీరోగా .. లేదంటే విభిన్నమైన పాత్రలను చేస్తూ ముందుకు వెళుతున్నాడు. అలాంటి సునీల్ హీరోగా మరొకసారి పలకరించడానికి రెడీ అవుతున్నాడు .. ఆ సినిమా పేరే 'భువన విజయమ్'. ఈ రోజునే ఈ సినిమాకి సంబంధించిన పోస్టర్ ను .. వీడియోను వదిలారు. 

ఈ సినిమాలో 'ఫీలింగ్ స్టార్ ప్రీతమ్ కుమార్'గా సునీల్ కనిపిస్తున్నాడు. స్టార్ హీరోగా ఆయన ఈ కథలో కనిపిస్తాడనే విషయం అర్థమవుతోంది. 6 నెలలుగా రెగ్యులర్ కథలు వినీవినీ బోర్ కొట్టేసిందని ప్రీతమ్ కుమార్ అనడం .. చాలామంది దర్శకులు, రైటర్లు ఆయనకి కథలు వినిపించడం .. చివరికి ఆయన 'భువన విజయమ్' కథను ఎంచుకోవడమనేది ఈ వీడియోలో చూపించారు. 

హిమాలయ స్టూడియోస్ బ్యానర్ పై నిర్మితమవుతున్న ఈ సినిమాకి ఎలమంద చరణ్ దర్శకత్వం వహిస్తున్నాడు. శేఖర్ చంద్ర ఈ సినిమాకి సంగీతాన్ని సమకూర్చాడు. ఇతర ముఖ్యమైన పాత్రలలో వెన్నెల కిశోర్ .. శ్రీనివాస రెడ్డి .. పృథ్వీ ..  గోపరాజు రమణ .. వైవా హర్ష కనిపిస్తున్నారు.