ఓటీటీ ఫ్లాట్ ఫామ్ పైకి అడుగుపెడుతున్న 'శ్రీదేవి - శోభన్ బాబు'

సంతోష శోభన్ - గౌరీ కిషన్ జంటగా నటించిన 'శ్రీదేవి - శోభన్ బాబు' .. ఫిబ్రవరి 18వ తేదీన థియేటర్లకు వచ్చింది. సుస్మిత కొణిదెల .. విష్ణు ప్రసాద్ నిర్మించిన ఈ సినిమాకి, ప్రశాంత్ కుమార్ దిమ్మల దర్శకత్వం వహించాడు. రొమాంటిక్ కామెడీ ఎంటర్టయినర్ జోనర్లో వచ్చిన సినిమా ఇది. 

థియేటర్స్ నుంచి ఈ సినిమా పెద్దగా రెస్పాన్స్ ను రాబట్టుకోలేకపోయింది. అలాంటి ఈ సినిమా ఓటీటీ ఫ్లాట్ ఫామ్ పైకి రావడానికి రెడీ అవుతోంది. ఈ సినిమా స్ట్రీమింగ్ హక్కులను డిస్నీ ప్లస్ హాట్ స్టార్ వారు దక్కించుకున్నారు. ఈ నెల 30వ తేదీన ఈ సినిమాను స్ట్రీమింగ్ చేయనున్నారు.

హీరో తల్లిగా రోహిణి .. హీరోయిన్ తండ్రిగా నాగబాబు ముఖ్యమైన పాత్రలను పోషించారు. గ్రామీణ నేపథ్యంలో ఈ కథ నడుస్తుంది. హీరో .. హీరోయిన్ పరిచయం పేచీలతో మొదలుకావడం .. ఆ తరువాత ప్రేమగా మారడం అనే రొటీన్ లైన్ తో ఈ సినిమా సాగుతుంది. ఓటీటీ వైపు నుంచి ఏమైనా ఎక్కువ మార్కులు తెచ్చుకుంటుందేమో చూడాలి మరి.