నానీగారిని చూస్తూనే నటన నేర్చుకున్నాను: సంతోష్ శోభన్

సంతోష్ శోభన్ హీరోగా మేర్లపాక గాంధీ రూపొందించిన 'లైక్ షేర్ అండ్ సబ్ స్క్రైబ్' నవంబర్ 4వ తేదీన ప్రేక్షకుల ముందుకు రానుంది. ఈ నేపథ్యంలో నాని ముఖ్య అతిథిగా ఈ సినిమా ప్రీ రిలీజ్ ఈవెంట్ జరిగింది. ఈ వేదికపై సంతోష్ శోభన్ మాట్లాడుతూ .. "ఈ సినిమాకి మంచి టీమ్ దొరికింది. కథా పరంగాను .. టెక్నికల్ గాను అన్నీ కుదిరిన సినిమా ఇది. అలాంటి టీమ్ తో పనిచేయడం ఆనందంగా ఉంది" అన్నాడు.  

'చాలామందికి తెలియదు ... నా ఫస్టు సినిమాను ఫస్టు చూసింది నానీగారే. అలాగే సినిమాలకి సంబంధించి నాకు ఫస్టు అడ్వైజ్ ఇచ్చింది ..   ఫస్టు కాంప్లిమెంట్ ఇచ్చింది కూడా నానీగారే. తాను ఇండస్ట్రీకి కొత్తగా వచ్చిన రోజుల్లో ఎలా ఉన్నారో .. నేను అలా ఉన్నానని ఆయనే స్వయంగా చెప్పడం నాకు ఎంతో ఉత్సాహాన్ని ఇచ్చింది. నానీగారిలా చేస్తానని చాలామంది అంటూ ఉంటారు. అది నాకు ఎంతో సంతోషాన్ని కలిగించే మాట" అంటూ హర్షాన్ని వ్యక్తం చేశాడు. 

"నిజంగానే నేను నానీగారి నుంచే నేర్చుకుంటూ వచ్చాను. అందుకే ఆడియన్స్ కి అలా అనిపిస్తూ ఉంటుంది. 'భలే భలే మగాడివోయ్' సినిమాను ఎనిసార్లు చూశానో .. ఆ డైలాగులను ఎంతగా ప్రాక్టీస్ చేశానో ఎవరికీ తెలియదు. అలాంటి నానీగారు నా సినిమా ఫంక్షన్ కి రావడం నాకు చాలా ఆనందాన్ని కలిగిస్తోంది" అంటూ చెప్పుకొచ్చాడు.