"పుష్ప... పుష్పరాజ్... తగ్గేదే లే!" అంటూ డైలాగ్ చెప్పిన రవీంద్ర జడేజా

అల్లు అర్జున్ హీరోగా, సుకుమార్ దర్శకత్వంలో వచ్చిన పుష్ప ది రైజ్ చిత్రం జాతీయస్థాయిలో అలరిస్తోంది. ఈ నెల 17న రిలీజైన పుష్ప హౌస్ ఫుల్ కలెక్షన్లతో కొనసాగుతోంది. కాగా, ఈ చిత్రంలో బన్నీ తగ్గేదే లే అంటూ చెప్పిన డైలాగ్ విపరీతంగా పాప్యులర్ అయింది.

టీమిండియా ఆల్ రౌండర్ రవీంద్ర జడేజా నోట కూడా ఈ డైలాగ్ వినిపించింది. "పుష్ప... పుష్పరాజ్... తగ్గేదే లే!" అంటూ జడేజా అదిరిపోయేలా డైలాగ్ చెప్పాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. జడేజా టైమింగ్ కు బన్నీ ఫ్యాన్స్ నుంచి విశేష స్పందన వస్తోంది. జడేజా డైలాగ్ చెప్పిన వీడియోను పుష్ప యూనిట్ ట్విట్టర్ లో పంచుకుంది.