Venkatesh Daggubati: అజిత్ హిట్ మూవీ రీమేక్ లో వెంకీ?

అజిత్ కెరియర్లో చెప్పుకోదగిన సినిమాల జాబితాలో 'ఎన్నై అరిందాల్' ఒకటిగా కనిపిస్తుంది. ఎ.ఎం.రత్నం - ఐశ్వర్య నిర్మించిన ఈ సినిమాకి, గౌతమ్ మీనన్ దర్శకత్వం వహించాడు. కథానాయికలుగా అనుష్క - త్రిష అలరించారు. 2015లో వచ్చిన ఈ సినిమా, అక్కడ సంచలన విజయాన్ని అందుకుంది. 'ఎంతవాడుగానీ' టైటిల్ తో ఇక్కడ కూడా భారీ వసూళ్లను రాబట్టింది.

అయితే మళ్లీ ఇప్పుడు ఈ సినిమాను తెలుగులో రీమేక్ చేయడానికి ప్రయత్నాలు జరుగుతున్నట్టుగా ఒక వార్త వినిపిస్తోంది. ఈ సినిమా తెలుగు రీమేక్ రైట్స్ సురేశ్ బాబు దగ్గర ఉన్నాయట. ఆయన ఈ సినిమాను వెంకటేశ్ హీరోగా రీమేక్ చేయాలనుకుంటున్నట్టు చెప్పుకుంటున్నారు.

గతంలో గౌతమ్ మీనన్ సినిమా 'కాఖా కాఖా' సినిమా తెలుగు రీమేక్ గా వచ్చిన 'ఘర్షణ'లో వెంకీ నటించాడు. ఈ సినిమా ఇక్కడ భారీ విజయాన్ని అందుకుంది. అందువలన అజిత్ మూవీ రీమేక్ పై కూడా అంచనాలు పెట్టుకున్నారు. ఈ ప్రాజెక్టుకు సంబంధించిన ప్రకటన త్వరలో వచ్చే అవకాశం ఉందని అంటున్నారు.