ప్రమాద‌కర డెల్టా వేరియంట్‌ను స‌మ‌ర్థంగా క‌ట్ట‌డి చేసిన చైనా!

24-08-2021 Tue 12:19
  • కొన్ని రోజులుగా చైనాలో డెల్టా వేరియంట్ వ్యాప్తి
  • కొన్ని రోజుల్లో 31 ప్రావిన్సుల్లో 1200 కేసులు
  • క‌ట్ట‌డి చ‌ర్య‌లు చేప‌ట్టిన చైనా
  • నిన్న ఒక్క కేసు కూడా న‌మోదు కాని వైనం
NO new Delta cases in China

ప్రపంచాన్ని చుట్టేస్తూ డెల్టా వేరియంట్ రూపంలో క‌రోనా మ‌రోసారి విజృంభిస్తోన్న విష‌యం తెలిసిందే. దాని విజృంభ‌ణ‌కు ఎన్నో దేశాలు మ‌రోసారి క‌రోనా సంక్షోభాన్ని ఎదుర్కొన్నాయి. అయితే, ఈ వేరియంట్ చైనాకూ వ్యాపించ‌గా డ్రాగన్ దేశం దీనికి కూడా అడ్డుక‌ట్ట వేస్తోంది. స‌మ‌ర్థంగా చ‌ర్య‌లు తీసుకుంటూ ఎక్క‌డిక‌క్క‌డ వైర‌స్‌ను క‌ట్ట‌డి చేస్తోంది.

కొన్ని రోజులుగా డెల్టా వేరియంట్ చైనాలో వ్యాపిస్తుండ‌గా ఆ దేశంలోనూ వైర‌స్ ఉద్ధృతి త‌ప్ప‌దని భావిస్తుండ‌గా, చైనా మాత్రం దాన్ని కూడా క‌ట్ట‌డి చేసింది. దీంతో నిన్న ఒక్క‌ పాజిటివ్ కేసు కూడా న‌మోదు కాలేదు. ఈ  ఏడాది జులై త‌ర్వాత ఒక్క కేసు కూడా నమోదు కాక‌పోవ‌డం ఇదే తొలిసారి. చైనాలోని నేష‌న‌ల్ హెల్త్ క‌మిష‌న్ ఈ విష‌యాన్ని ప్ర‌క‌టించింది.

కాగా, కొన్ని రోజుల క్రితం  నాన్‌జింగ్ న‌గ‌రంలో ఎయిర్‌పోర్ట్ సిబ్బందిలో తొలి డెల్టా కేసులు బ‌య‌ట‌ప‌డ్డాయి. అనంత‌రం వెంట‌నే 31 ప్రావిన్సుల్లో 1200 కేసులు న‌మోద‌య్యాయి. ఈ నేప‌థ్యంలో ఆయా ప్రాంతాల్లో  క‌ఠిన నిబంధ‌న‌లు అమ‌లు చేయ‌డంతో చైనా ఆ వైర‌స్‌ను స‌మ‌ర్థంగా క‌ట్ట‌డి చేయ‌గ‌లిగింది. పెద్ద ఎత్తున క‌రోనా ప‌రీక్ష‌లు చేసింది.