‘వెలుగు’ వాట్సాప్ గ్రూప్‌లో అశ్లీల వీడియో.. క్షమాపణలు చెప్పిన ఏపీఎం బాలసుబ్రహ్మణ్యం

13-08-2021 Fri 08:33
  • ఏపీఎం బాలసుబ్రహ్మణ్యం ఖాతా నుంచి వీడియో పోస్టు
  • వీడియో చూసి మహిళలు షాక్
  • అత్యవసర సమావేశం ఏర్పాటు చేసి వివరణ ఇచ్చిన ఏపీఎం
 objectionable Video posted in SHG whatsapp Group
‘వెలుగు’ వాట్సాప్ గ్రూపులో ఓ అభ్యంతరకర వీడియో కలకలం రేపింది. స్వయం సహాయక సంఘాల్లోని మహిళలకు సమాచారం అందించేందుకు ఏర్పాటు చేసిన ఈ గ్రూపులో ఓ ‘నీలి’ వీడియో పోస్టు అయింది. కృష్ణా జిల్లా చాట్రాయి మండలంలో జరిగిన ఈ ఘటన కలకలం రేపింది. గ్రూపులోని మహిళలు ఆ వీడియో చూసి షాకయ్యారు. అది కూడా ఈ వీడియోను 'వెలుగు' ఏపీఎం బాలసుబ్రహ్మణ్యం పోస్టు చేయడం మరింత చర్చకు దారితీసింది.

 వీడియో పోస్టు కావడంపై బాలసుబ్రహ్మణ్యం అత్యవసర సమావేశాన్ని ఏర్పాటు చేసి వివరణ ఇచ్చారు. తనకు ఎవరో పంపిన వీడియో పొరపాటున అందులో పోస్టు అయినట్టు చెప్పారు. ఈ విషయంలో తన తప్పు లేదని, అయినప్పటికీ కొందరు కావాలని తనను అప్రతిష్ఠ పాలుచేసేందుకు వీడియోను ఇతరులకు పంపారని ఆవేదన వ్యక్తం చేశారు. వీడియో పోస్టు అయినందుకు గ్రూపు సభ్యలుకు నేరుగా క్షమాపణలు చెప్పానని వివరించారు.