Kiran Abbavaram: గ్రామీణ నేపథ్యంలోని ప్రేమకథగా 'సమ్మతమే' .. ఫస్టులుక్ రిలీజ్

  • మరో ప్రేమకథగా 'సమ్మతమే'
  • గ్రామీణ నేపథ్యంలో సాగే కథ  
  • దర్శకుడిగా గోపీనాథ్ రెడ్డి
  • 80శాతం షూటింగు పూర్తి
Sammathame First Look Released

కొంతకాలం క్రితం 'రాజావారు రాణిగారు' సినిమాతో హీరోగా కిరణ్ అబ్బవరం పరిచయమయ్యాడు. ఆ తరువాత ఆయన 'ఎస్ ఆర్ కల్యాణ మండపం' సినిమా చేశాడు. శ్రీధర్ దర్శకత్వం వహించిన ఈ సినిమాలో, ఆయన జోడీగా ప్రియాంక జవాల్కర్ నటించింది. వచ్చేనెల 6వ తేదీన ఈ సినిమాను విడుదల చేయనున్నారు. అందుకు సంబంధించిన సన్నాహాలు జరుగుతూ ఉండగానే, ఆయన మరో మూడు ప్రాజెక్టులు లైన్లో పెట్టేశాడు. ఆ సినిమాల్లో ఒకటిగా 'సమ్మతమే' కనిపిస్తోంది. తాజాగా ఈ సినిమా నుంచి ఫస్టులుక్ పోస్టర్ ను రిలీజ్ చేశారు.గోపీనాథ్ రెడ్డి దర్శకత్వం వహిస్తున్న ఈ సినిమాలో, కిరణ్ జోడీగా చాందినీ చౌదరి కథానాయికగా నటిస్తోంది. ఫస్టులుక్ ను బట్టి ఇది గ్రామీణ నేపథ్యంలో సాగే కథ అని తెలుస్తోంది. హీరో .. హీరోయిన్ ఇద్దరూ కూడా అదే వాతావరణంలో ప్రేమికులుగా కనిపిస్తున్నారు. ప్రవీణ నిర్మాతగా వ్యవహరిస్తున్న ఈ సినిమాకి, శేఖర్ చంద్ర సంగీతాన్ని అందిస్తున్నాడు. ఇప్పటికే ఈ సినిమా 80 శాతం వరకూ చిత్రీకరణను జరుపుకుంది. హాయిగా అనిపించే టైటిల్ తో .. గ్రామీణ నేపథ్యంతో రానున్న ఈ సినిమా, ఏ స్థాయిలో ప్రేక్షకులను మెప్పిస్తుందో చూడాలి.

More Telugu News