Barbora Krejcikova: ఫ్రెంచ్‌ ఓపెన్‌ మహిళల సింగిల్స్‌ విజేతగా బార్బొరా క్రెజికోవా
- పావ్లిచెంకోవాపై 6-1, 2-6, 6-4 తేడాతో విజయం
- క్రెజికోవాకు కెరీర్‌లో ఇది తొలి గ్రాండ్‌ స్లామ్‌
- అంచనాల్లేకుండా బరిలోకి దిగి అబ్బురపరిచిన క్రెజికోవా
- మరోవైపు 52వ గ్రాండ్‌స్లామ్‌ ఆడిన పావ్లిచెంకోవా
- తొలిసారి ఫైనల్‌కు చేరిన రష్యా స్టార్‌
ఫ్రెంచ్‌ ఓపెన్‌ మహిళల సింగిల్స్‌లో చెక్‌ రిపబ్లిక్ కెరటం బార్బొరా క్రెజికోవా(25) విజేతగా నిలిచింది. టోర్నీ ఫైనల్‌లో రష్యా స్టార్‌ పావ్లిచెంకోవాపై 6-1, 2-6, 6-4 తేడాతో విజయం సాధించింది. క్రెజికోవాకు కెరీర్‌లో ఇది తొలి గ్రాండ్‌ స్లామ్‌ కావడం విశేషం.
ఏమాత్రం అంచనాలు లేకుండా టోర్నీలోకి అడుగుపెట్టిన 33వ ర్యాంకర్‌ క్రెజికోవా టైటిల్‌ను సొంతం చేసుకొని అందరినీ అబ్బురపరిచింది. ఈ టోర్నీకి ముందు ఏ గ్రాండ్‌స్లామ్‌లోనూ ఆమె 4వ రౌండ్‌ దాటిన దాఖలాలు లేవు. మరోవైపు 52వ గ్రాండ్‌స్లామ్‌లో ఆడిన రష్యా స్టార్‌ పావ్లిచెంకోవా ఫైనల్‌కు చేరుకోవడం ఇదే తొలిసారి. రెండో సెట్లో పుంజుకున్నప్పటికీ.. తుది విజయం సాధించడంలో మాత్రం వెనకడుగు వేసి టోర్నీని చేజార్చుకుంది.
