Chhattisgarh: మద్యం బాటిళ్ల లోడుతో వెళ్తూ బోల్తా పడ్డ ట్రక్కు.. మద్యం కోసం ఎగబడ్డ స్థానికులు.. వీడియో ఇదిగో
- ఛత్తీస్‌గఢ్‌లో ఘటన
- 200 కార్టన్ల మద్యం బాటిళ్లు తీసుకెళుతుండగా ఘటన
- వాటి విలువ రూ.20 లక్షలు
మద్యం బాటిళ్ల లోడుతో వెళుతోన్న ఓ ట్రక్కు ప్రమాదవశాత్తూ ఒక్కసారిగా బోల్తా పడింది. ఈ విషయాన్ని గుర్తించిన స్థానికులు మద్యం బాటిళ్లను చోరీ చేసి తీసుకెళ్లడంలో పోటీ పడ్డారు. కొందరిని పోలీసులు అడ్డుకున్నారు. అయినప్పటికీ చాలా మద్యం బాటిళ్లను స్థానికులు లూటీ చేశారు. ఇందుకు సంబంధించిన దృశ్యాలను కొందరు తమ స్మార్ట్‌ఫోన్లలో చిత్రీకరించారు.
ఈ ఘటన ఛత్తీస్‌గఢ్‌లోని కవర్ధాలో చోటు చేసుకుంది. అక్కడి ఎక్సైజ్‌ అధికారి మీడియాతో మాట్లాడుతూ... ఆ ట్రక్కు 200 కార్టన్ల మద్యం బాటిళ్లు తీసుకెళుతుండగా ఈ ఘటన చోటు చేసుకుందని, వాటి విలువ రూ.20 లక్షల వరకు ఉంటుందని చెప్పారు. ట్రక్కు బోల్తా పడడం వల్ల జరిగిన నష్టాన్ని అంచనా వేయాల్సి ఉందని చెప్పారు.
